ఆలయంలో తొక్కిసలాట.. ముగ్గురు మృతి..

దిశ, వెబ్‌డెస్క్: ఖతు శ్యామ్ జీ ఆలయంలో తొక్కిసలాట జరిగి సుమారు ముగ్గురు మరణించగా..పలువురు గాయపడ్డారు. ఈ సంఘటన రాజస్థాన్ లోని సికార్ లోని ఖతు శ్యామ్‌జీ ఆలయంలో సోమవారం జరిగింది. ఈ ప్రమాదంలో గాయపడిన ఇద్దరిని జైపూర్ లోని ఆస్పత్రికి తరలించినట్లు అక్కడి అధికారులు వెల్లడించారు. జాతీయ మీడియా నివేదిక ప్రకారం ఖాటు శ్యామ్‌జీ ఆలయంలో నెలవారీ జాతర సందర్భంగా భక్తులు పెద్ద ఎత్తున రావడంతో ఈ ప్రమాదం జరిగినట్లు తెలుస్తుంది. కానీ ప్రమాదానికి గల పూర్తి వివరాలు తెలియాల్సి ఉంది.