బ్రేకింగ్: నార్సింగ్ శివారులో ఘోర రోడ్డు ప్రమాదం.. నలుగురు స్పాట్ డెడ్

దిశ, చిన్నశంకరంపేట: మెదక్ జిల్లా నార్సింగి జాతీయ రహదారిపై ఘోర రోడ్డు ప్రమాదం జరిగింది. నిజామాబాద్ జిల్లా ఆర్మూర్ గ్రామం నుండి గజ్వేల్ మండలం ప్రజ్ఞాపూర్‌లో బంధువులు చనిపోవడంతో దశదిన కర్మ కోసం వెళ్తుండగా ఈ ప్రమాదం చోటుచేసుకుంది. ప్రజ్ఞాపూర్‌కు చెందిన ఈ కుటుంబం గత కొంతకాలంగా ఆర్మూర్‌కు బతుకుదెరువు కోసం వెళ్లారు.

ఈ రోజు ఉదయం ఆలూరు నుండి బయలుదేరి రాగా నార్సింగి శివారులో వెనుక నుండి వచ్చిన ఇన్నోవా కారు అతివేగంగా వచ్చి ఢీకొట్టడంతో ఈ ప్రమాదం చోటుచేసుకుంది. ఈ ప్రమాదంలో తిప్పా శేఖర్ (45), అతని కుమారుడు యశ్వంత్ (10)తో పాటు మరో ఇద్దరు వృద్ధ దంపతులు బల నరసయ్య (70), మనెమ్మ (62) అక్కడికక్కడే మృతి చెందగా, కవిత, అవినాష్ అనే తల్లి కొడుకులకు గాయాలు కాగా రామాయంపేట ప్రభుత్వ ఆసుపత్రికి తరలించి చికిత్స అందిస్తున్నారు.