కూకట్ పల్లిలో భారీ చోరీ..పెద్ద మొత్తంలో మాయం

దిశ, కూకట్ పల్లి: కూకట్ పల్లి పోలీస్ స్టేషన్ పరిధిలోని జయనగర్ కాలనీలో భారీ చోరి జరిగింది. తలంవేసి ఉన్న ఇంట్లో నుంచి 80 తులాలు బంగారం ఆభరణాలు,రూ. 2 లక్షల నగదు చోరీ జరిగినట్లు ఇంటి యజమానులు కూకట్ పల్లి పోలీసులకు ఫిర్యాదు చేశారు. ఇంటి యజమానులు ఊరికి వెళ్లి ఈ రోజు ఉదయం ఇంటికి వచ్చి చూడగా ఇంటి తలుపులు బద్దలు కొట్టి కనిపించింది. ఇంట్లో వస్తువులు, బీరువా, కప్బోర్డ్ లు తెరిచి వస్తువులు చిందర వందరగా పడి ఉన్నాయి. దీంతో ఇంటి యజమానులు కూకట్ పల్లి పోలీసులకు సమాచారం అందించారు. సంఘటన స్థలానికి చేరుకున్న పోలీసులు వివరాలు సేకరిస్తున్నారు, క్లూస్ టీం సభ్యులు సంఘటన స్థలానికి చేరుకుంటున్నారు.