కేయూ పోలీస్ స్టేషన్ పరిధిలో గుట్కా స్వాధీనం

దిశ, హనుమకొండ టౌన్ : కాకతీయ యూనివర్సిటీ పోలీస్ స్టేషన్ పరిధిలో హనుమాన్ జంక్షన్ లో అక్రమంగా గుట్కా వ్యాపారం చేస్తున్నారు. విష్ణు అనే వ్యాపారి నుండి టాస్క్ ఫోర్స్ ఇన్స్పెక్టర్ ఎం.రంజిత్ కుమార్, ఎస్ఐ దిలీప్ తమ సిబ్బందితో గుట్కాను స్వాధీనం చేసుకున్నారు. స్వాధీనం చేసుకున్న గుట్కా విలువ సుమారుగా రూ.55,450 ఉంటుందని టాస్క్ ఫోర్స్ ఏసీపీ మధుసూదన్ తెలిపారు. ప్రభుత్వం నిషేధించిన పొగాకు ఉత్పత్తులను అమ్మడం కొనడం నిషేధమని నేరమని తెలిపారు. స్వాధీనం చేసుకున్న గుట్కా/పొగాకు ఉత్పత్తులను తదుపరి చట్టపరమైన చర్యల కోసం కోసం కాకతీయ యూనివర్సిటీ పోలీస్ స్టేషన్ కి అప్పగించినట్లు తెలిపారు.