Accident:కర్ణాటకలో రోడ్డు ప్రమాదం.. ఏపీకి చెందిన వ్యక్తి మృతి

దిశ ప్రతినిధి, పుట్టపర్తి: మండల పరిధిలోని పైపల్లి గ్రామానికి చెందిన అభిషేక్ (20) కర్ణాటక లోని చిక్బల్లాపూర్ సమీపంలో రోడ్డు ప్రమాదంలో శనివారం రాత్రి మృతి చెందాడు. వివరాలు పరిశీలించగా పైపల్లి గ్రామానికి చెందిన బాల ఏటన్న కుటుంబం గత 8 సంవత్సరాల క్రితం ఉపాధి కోసం బెంగళూరుకు వెళ్లి అక్కడే స్థిరపడింది. గత 20 రోజుల క్రితం కొత్త బండిని తీసుకున్న అభిషేక్ తన బావమరిదితో కలిసి బెంగళూరు నుంచి సొంతూరు పైపల్లి గ్రామానికి దీపావళి పండుగ జరుపుకోవడానికి వస్తున్న తరుణంలో, చిక్బల్లాపూర్ సమీపంలోకి రాగానే స్కూటీ అదుపుతప్పి పక్కన ఉన్న డివైడర్ కు ఢీకొట్టడంతో స్కూటీ నడుపుతున్న అభిషేక్ అక్కడికక్కడే మృతి చెందాడు వెనుక వైపు ఉన్న తన బావమరిది గాయాలతో బయట పడినట్లు తెలిసింది. ఉపాధి కోసం వెళ్లి మృత్యువాత పడిన కుమారుని చూసి కుటుంబ సభ్యులు, బంధువులు, గ్రామస్తులు కన్నీరుమున్నీరయ్యారు. యువకుడి మృతదేహాన్ని ఆదివారం పైపల్లి గ్రామంలో అంత్యక్రియలు నిర్వహించారు.