4 లీటర్ల నాటుసారా స్వాధీనం

దిశ,మణుగూరు : ద్విచక్ర వాహనంపై అక్రమంగా తరలిస్తున్న 4 లీటర్ల నాటుసారాను మణుగూరు ఎక్సైజ్‌ అధికారులు పట్టుకున్నారు. మణుగూరు ఎక్సైజ్‌ సీఐ రాజిరెడ్డి తెలిపిన వివరాలు ఈ విధంగా ఉన్నాయి. శుక్రవారం సాయంత్రం ఎక్సైజ్‌ సిబ్బందితో కలిసి మణుగూరు రైల్వే స్టేషన్ నుండి తోగ్గూడెం వరకు వాహన తనిఖీలు నిర్వహించారు. దాంతో భూక్యా నాగేశ్వరావు టూ వీలర్ మీద 4 లీటర్ల నాటుసారా రవాణా చేస్తుండగా పట్టుకున్నారు. ఆయన నుంచి 4 లీటర్ల నాటుసారాను సీజ్ చేసి ఆ వ్యక్తిపై కేసు నమోదు చేశామని తెలిపారు. ఈ తనిఖీలో సిబ్బంది కిషర్ బాబు, ప్రసన్న కుమార్, ఆంజనేయులు, అమల కుమారి, ధనజ్యోతి, కృష్ణవేణి పాల్గొన్నారు.