కార్పొరేషన్‎పై కాంగ్రెస్ జెండా ఎగురవేస్తాం

దిశ ప్రతినిధి, వరంగల్: త్వరలో జరగనున్న గ్రేటర్ ఎన్నికల్లో కార్పోరేషన్‎పై కాంగ్రెస్ జెండా ఎగురవేస్తామని మాజీ మంత్రి కొండా సురేఖ ధీమా వ్యక్తం చేశారు. శుక్రవారం వరంగల్ నగరంలో తూర్పు నియోజకవర్గ కాంగ్రెస్ కార్యకర్తల సమావేశం‌ జరిగింది. ఈ నేపథ్యంలో కొండా సురేఖ సమక్షంలో యాకుబ్ పాషా, పెద్ద సంఖ్యలో కార్యకర్తలు కాంగ్రెస్ పార్టీలో చేరారు.

ఈ సందర్భంగా కొండా సురేఖ మాట్లాడుతూ.. వరంగల్ తూర్పు నియోజకవర్గం నుంచి తానే పోటీ చేస్తానని స్పష్టం చేసారు. వరంగల్ మేయర్ బరిలో తన కూతురు సుష్మిత లేదని స్పష్టం చేశారు. ఎన్నికల సమయంలో టీఆర్ఎస్ నేతలు ఇచ్చిన హామీలను నెరవేర్చలేదని విమర్శించారు.