తెలంగాణలో లాక్డౌన్ మరోసారి పొడిగింపు
దిశ, వెబ్‌డెస్క్ : తెలంగాణలో మరో రెండు వారాల పాటు లాక్‌డౌన్‌ను పొడిగిస్తూ సీఎం కేసీఆర్ నిర్ణయం తీసుకున్నారు. మే 12 నుంచి 18 రోజుల పాటు కొనసాగిన లాక్డౌన్ నేటితో ముగియనున్న సంగతి తెలిసిందే. ఇదే విషయంపై రాష్ట్ర మంత్రి వర్గంతో సమావేశమైన సీఎం జూన్ 15 వరకు రాష్ట్రంలో లాక్‌డౌన్‌ను మరోసారి పొడిగించినట్లు సమాచారం.
ఇదివరకు 4 గంటల వరకు మినహాయింపు ఉండగా, ఆ సమయాన్ని 6 గంటలకు పెంచుతూ సీఎం కేసీఆర్ నిర్ణయం తీసుకున్నట్లు తెలుస్తోంది. అంతేకాకుండా వీకెండ్ శని, ఆదివారాల్లో సంపూర్ణ లాక్డౌన్ విధించినట్లు విశ్వసనీయ వర్గాల సమాచారం. మే 12 నుంచి 20 గంటలు కఠిన లాక్డౌన్ అమల్లో ఉండగా.. ఉదయం 6 గంటల నుంచి ఉదయం 10 గంటల వరకు మినహాయింపు (4 గంటలు) కల్పించారు. ఈ నాలుగు గంటల సమయంలో రద్దీని దృష్టిని పెట్టుకుని.. ప్రజల అవసరాల మేర 6 గంటల వరకు మినహాయింపునిచ్చినట్లు తెలుస్తోంది. కాగా, దీనికి సంబంధించి అధికారిక ప్రకటన వెలువడాల్సి ఉంది.
