Rana Daggubati: ఇదొక అద్భుతమైన చిత్రం.. ఆయన ముందు నిలబడి యాక్ట్ చెయ్యాలంటే అదృష్టం ఉండాలి: రానా

దిశ, సినిమా: సూప‌ర్‌స్టార్ రజినీకాంత్ (Superstar Rajinikanth) లేటెస్ట్ మూవీ ‘వేట్టయన్- ద హంట‌ర్‌’ (Vettaiyan The Hunter). ద‌స‌రా సంద‌ర్భంగా అక్టోబ‌ర్ 10న ఈ మూవీ ప్రేక్షకుల ముందుకు రాబోతుంది. టి.జె.జ్ఞాన‌వేల్ ద‌ర్శక‌త్వంలో ప్రముఖ నిర్మాణ సంస్థ లైకా ప్రొడ‌క్షన్స్ సంస్థ బ్యాన‌ర్‌పై సుభాస్కర‌న్ ఈ సినిమాను నిర్మించారు. సురేష్ ప్రొడక్షన్స్‌తో కలిసి ఏసియన్ సునీల్, దిల్ రాజు ఈ చిత్రాన్ని తెలుగులో రిలీజ్ చేస్తున్నారు. ఇక ఈ సినిమాను సీడెడ్ ఏరియాలో శ్రీ లక్ష్మీ మూవీస్ రిలీజ్ చేస్తోంది. ఈ క్రమంలో తాజాగా ప్రెస్ మీట్ నిర్వహించారు.

నిర్మాత సురేష్ బాబు (Suresh Babu) మాట్లాడుతూ.. ‘వేట్టయన్ ద హంటర్ (Vettaiyan The Hunter) సినిమాను నేను, ఏషియన్ సునీల్, దిల్ రాజు కలిసి తెలుగులో రిలీజ్ చేస్తున్నాం. ఈ మూవీ మెయిన్ టైటిల్ ద హంటర్. అన్ని భాషల్లోనూ వేట్టయన్ ద హంటర్ అని రిలీజ్ చేస్తున్నారు. హంటర్ అనేదే ఈ చిత్రంలోని మెయిన్ పాయింట్. ఇందులో రజినీకాంత్, అమితాబ్, ఫాహద్, రానా, మంజు వారియర్ తదితరులు నటించారు. టి.జె.జ్ఞాన‌వేల్ సెన్సిబుల్ డైరెక్టర్. ఇందులో రజినీకాంత్ కొత్తగా కనిపిస్తారు. అక్టోబర్ 10న ఈ మూవీ రాబోతుంది. వేట్టయన్ మూవీని కచ్చితంగా థియేటర్లో చూడండి. అందరికీ ఓ కొత్త ఎక్స్‌పీరియెన్స్ వస్తుంది’ అని అన్నారు.

దిల్ రాజు (Dil Raju) మాట్లాడుతూ.. ‘లైకా ప్రొడక్షన్స్‌లో వచ్చిన ఈ చిత్రాన్ని మేం ముగ్గురం కలిసి రిలీజ్ చేస్తున్నాం. తెలుగులో వేటగాడు అనే టైటిల్‌ను పెట్టాలని అనుకున్నారు. కానీ ఆ టైటిల్ వేరే వాళ్లకి ఆల్రెడీ ఉంది. తమిళంలోనూ ఒకప్పుడు కేవలం తమిళ టైటిల్స్ మాత్రమే పెట్టాలని అనుకున్నారు. కానీ ఇప్పుడు అంతా మారిపోతోంది. ఏ టైటిల్ పెట్టినా కూడా సినిమా బాగుంటేనే ఆడియెన్స్ చూస్తారు. సినిమాని సినిమాలా చూడండి. జై భీం వంటి అద్భుతమైన సినిమాను తీసిన టి.జె.జ్ఞాన‌వేల్ ఈ చిత్రాన్ని కూడా అద్భుతంగా తీశారు. దసరా సందర్భంగా ఈ చిత్రం అక్టోబర్ 10న రాబోతోంది. కుటుంబ సమేతంగా అందరూచూసి ఎంజాయ్ చెయ్యండి’ అని అన్నారు.

రానా దగ్గుబాటి (Rana Daggubati) మాట్లాడుతూ.. ‘సినిమా అనే దానికి భాష లేదు.. హద్దుల్లేవు. కథను బట్టి ఆ చిత్రం ఎక్కడికైనా వెళ్లొచ్చు. ఇప్పటి వరకు రజినీకాంత్ చేసిన అన్ని సినిమాల్లోకెల్లా వేట్టయన్ చాలా భిన్నంగా ఉంటుంది. ఈ చిత్రం భారీ తారాగణంతో వస్తోంది. రజినీకాంత్, అమితాబ్, ఫాహద్, మంజు వారియర్.. ఇలా అన్ని పాత్రలు అద్భుతంగా ఉంటాయి. రియలిస్టిక్ మూవీలో ఇన్ని మంచి పాత్రలు ఉండటం చాలా అరుదు. రజినీకాంత్ గారి ముందు నిలబడి డైలాగ్ చెప్పడం, నటించే చాన్స్ రావడం చాలా లక్కీ. ఈ చిత్రాన్ని అందరూ చూసి ఎంజాయ్ చేయండి’ అని అన్నారు.