RadhikaApte: పూరీ, విజయ్ సేతుపతి సినిమాలో హీరోయిన్ ఫిక్స్.. బంపర్ ఆఫర్ అందున్న క్రేజీ బ్యూటీ

దిశ, సినిమా: టాలీవుడ్ స్టార్ డైరెక్టర్ పూరీ జగన్నాథ్ (Director Puri Jagannath), తమిళ స్టార్ హీరో విజయ్ సేతుపతి (Vijay Sethupathi) కాంబినేషన్‌లో బిగ్ ప్రాజెక్ట్ అనౌన్స్ చేసిన విషయం తెలిసిందే. సీనియర్ హీరోయిన్ టబు (Tabu) ప్రధాన పాత్రలో నటిస్తున్న ఈ చిత్రాన్ని పూరీ కనెక్ట్స్ బ్యానర్‌పై పూరీ జగన్నాథ్, స్టార్ హీరోయిన్ చార్మీ కౌర్ (Charmi Kaur) నిర్మిస్తున్నారు. ఈ సినిమా అనౌన్స్ చేసినప్పటి నుంచి దీనికి సంబంధించిన ఎన్నో వార్తలు నెట్టింట వైరల్ అవుతూనే ఉన్నాయి. ఇక ఇటీవల ఓ ఇంటర్వ్యూలో పాల్గొన్న విజయ్ సేతుపతి.. ఈ సినిమా షూటింగ్ జూన్‌లో స్టార్ట్ అయ్యే అవకాశం ఉందంటూ ఇంట్రెస్టింగ్ అప్‌డేట్ ఇచ్చాడు. ఇక అప్పటి నుంచి ఈ చిత్రం ఎప్పుడెప్పుడు సెట్స్ మీదకు వెళ్తుందా అంటూ సినీ ప్రియులు ఎంతో ఈగర్‌గా వెయిట్ చేస్తున్నారు.

ఇదిలా ఉంటే.. తాజాగా పూరీ, విజయ్ ప్రాజెక్ట్‌కు సంబంధించిన మరో ఇంట్రెస్టింగ్ బజ్ వినిపిస్తుంది. ఈ సినిమాలో హీరోయిన్ యంగ్ బ్యూటీ రాధికా ఆప్టే (Radhika Apte) ను ఫిక్స్ చేశారట మేకర్స్. అంతే కాకుండా.. స్టోరీ చెప్పగానే హీరోయిన్ కూడా ఓకే చేసిందని తెలుస్తుంది. అయితే.. దీనిపై ఇప్పటి వరకు అఫీషియల్ అనౌన్స్‌మెంట్ రాలేదు.