Ram Charan: ఇటువంటి ఘటన జరగడం దురదృష్టకరం.. చాలా బాధగా ఉంది: రామ్ చరణ్

దిశ, సినిమా: గ్లోబల్ స్టార్ రామ్ చరణ్(Ram Charan) నటిస్తున్న తాజా సినిమా ‘గేమ్ చేంజర్’(Game Changer). శంకర్(Shankar) దర్శకత్వంలో రాబోతున్న ఈ మూవీలో బాలీవుడ్ బ్యూటీ కియారా అద్వానీ(Kiara Advani) హీరోయిన్‌గా నటిస్తుంది. ‘గేమ్ చేంజర్’(Game Changer) భారీ అంచనాల మధ్య జనవరి 10న థియేటర్స్‌లో విడుదల కానుంది. అయితే ఇటీవల ఈ సినిమాకు సంబంధించిన ప్రీ-రిలీజ్ ఈవెంట్ జరిగిన విషయం తెలిసిందే. రాజమహేంద్రవరం(Rajamahendravaram)లో ప్రీ-రిలీజ్ వేడుకకు ఏపీ ఉప ముఖ్యమంత్రి, జనసేనాని, పవర్ స్టార్ పవన్ కళ్యాణ్(Pawan Kalyan) ముఖ్య అతిథిగా వచ్చారు. ఈ వేడుక ఘనంగా జరిగినప్పటికీ అత్యధిక మంది అభిమానులు హాజరు కావడంతో విషాద ఘటన చోటుచేసుకుంది.

అయితే ఈ వేడుకకు కాకినాడ జిల్లా గైగోలుపాడుకు చెందిన ఆరవ మణికంఠ (23), తోకాడ చరణ్ (22) అనే ఇద్దరు హాజరయ్యారు. వాళ్లిద్దరూ బైకు మీద ఇంటికి తిరిగి వెళుతున్న టైమ్‌లో వడిశలేరులో ప్రమాదవశాత్తు ఒక వ్యాన్ ఢీ కొట్టడంతో మరణించారు. ఈ సంఘటనపై ఇప్పటికే పవన్ కళ్యాణ్, దిల్ రాజు స్పందించి ఆర్థిక సాయం ప్రకటించారు. ఈ క్రమంలో.. తాజాగా, అభిమానుల మృతిపై రామ్ చరణ్ ప్రగాఢ సంతాపం వ్యక్తం చేశారు. ఆ ఘటన గురించి తెలిసిన వెంటనే అభిమానుల ఇంటికి సన్నిహితులను తన మనుషులను పంపించి ధైర్యం చెప్పించారు.

అంతేకాకుండా ఇద్దరి కుటుంబాలకు చెరొక ఐదు లక్షల చొప్పున ఆర్థిక సాయాన్ని ప్రకటించారు. రామ్ చరణ్ మాట్లాడుతూ.. ‘‘ఈవెంట్ దగ్గరకు వచ్చిన అభిమానులు సురక్షితంగా ఇంటికి వెళ్లాలని కోరుకుంటాం. మన ఏపీ డిప్యూటీ సీఎం, బాబాయ్ పవన్‌ కళ్యాణ్(Pawan Kalyan) కోరుకునేది కూడా అదే. ఇటువంటి ఘటన జరగడం దురదృష్టకరం. అభిమానుల కుటుంబాలు ఎంత బాధ పడతాయో అర్థం చేసుకోగలను. నాకు అంతే బాధగా ఉంది. అభిమానుల కుటుంబాలకు నా ప్రగాఢ సానుభూతి వ్యక్తం చేస్తున్నాను’’ అని అన్నారు.

Read More...

ఇద్దరు యువకుల మృతిపై ఆవేదనకు లోనయ్యాను: డిప్యూటీ సీఎం పవన్ కల్యాణ్