షెడ్యూల్డ్ కులాలపై దారుణ వ్యాఖ్యలు చేసిన హీరోయిన్

దిశ, సినిమా : తమిళ బిగ్ బాస్ ఫేమ్, హీరోయిన్ మీరా మిథున్‌ ఎస్సీ కమ్యూనిటీపై తీవ్ర ఆరోపణలు చేసింది. షెడ్యూల్డ్ కులాలకు చెందిన వారు చట్టవిరుద్ధమైన కార్యకలాపాలు, నేరాలకు పాల్పడుతారని కామెంట్ చేసింది. అంతేకాదు పరిశ్రమలో తప్పుడు కార్యకలాపాలకు పాల్పడుతుంది కూడా ఆ కులానికి చెందిన డైరెక్టర్లే అన్న మీరా.. అలాంటి వారిని ఇండస్ట్రీ నుంచి వెళ్లగొట్టాలని డిమాండ్ చేసింది. వారి వల్లే తమిళ్ ఇండస్ట్రీలో మంచి సినిమాలు, కంటెంట్ రావడం లేదని, వారి పద్ధతులు అసలు బాగుండవని, ఇదే కులానికి చెందిన దర్శకుడు పర్మిషన్ లేకుండా తన ఫొటో వాడుకున్నాడని తెలిపింది. ఓ యూట్యూబ్ చానల్‌కు ఇచ్చిన ఇంటర్వ్యూలో మీరా చేసిన ఈ వ్యాఖ్యలు సోషల్ మీడియాలో వైరల్ కాగా.. చెన్నై పోలీసులు ఆమెపై కేసు నమోదు చేశారు. విదుతలై సిరుతైగల్ కట్చి డిప్యూటీ జనరల్ సెక్రటరీ వన్నీ అరసు ఫిర్యాదు ఆధారంగా కేసు నమోదు చేసినట్లు తెలిపారు.