- తెలంగాణ
- ఆంధ్రప్రదేశ్
- సినిమా
- క్రైమ్
- లైఫ్-స్టైల్
- ఎడిట్ పేజీ
- లోక్సభ ఎన్నికలు-2024
- రాజకీయం
- జాతీయం
- బిజినెస్
- ప్రపంచం
- స్పోర్ట్స్
- జిల్లా వార్తలు
- కెరీర్
- ఆరోగ్యం
- భక్తి
- రాశి ఫలాలు
- టెక్నాలజీ
- సాహిత్యం
- ఫొటో గ్యాలరీ
- గాసిప్స్
- వైరల్
- IPL2024
- ఐసీసీ T20 వరల్డ్ కప్-2024
మేలిమి విత్తనాలను కూర్చుకుని
ఆయిటి పూనేదాక వేచివుంటాను
నల్లరేగడి నేలను తెల్లని సుద్దముక్కతో దున్ని
విజ్ఞానపు విత్తనాలను మెదడు పొరలలో వేస్తాను
అజ్ఞానం అనే కలుపుమొక్కలను నిత్యం ఏరివేస్తాను
ప్రశ్నలనే మొగ్గలకు జవాబు పూలు పూయిస్తా
విజ్ఞానపు సుగంధం విశ్వమంతా విస్తరింపజేస్తా
చక్కని పంటనుతీసి ప్రతి ఒక్కరి జీవితాన్ని మార్చి
చీకటి పొరలను తొలగించి వెలుగులు పూయిస్తున్నా
పుస్తకాల సారంతో మస్తిష్కపు పొరలు తడిపి
పాదు పాదుకు పదును చేరేదాకా వారితోనే గడిపి
క్రొవ్వొత్తిలా కరుగుతూ క్రొంగొత్తగా వెలుగు పంచుతూ
తరువులే ఆదర్శంగా భావిస్తూ గురువులా నీడనిస్తూ
రేపటి భారత భవితను భద్రంగా బడిలో పండిస్తున్నా
నేను చేసేది అక్షరాలతో వ్యవసాయం
నేను పొందేది నాణ్యమైన విజ్ఞాన ఫలసాయం
ప్రపంచానికంతా విజ్ఞాన ఫలాలను పంచి
విపత్కర సవాల్లకు పరిష్కారాలు చూపించుటకై
ఆశ్రమ విద్య నుండి ఆధునిక ఆన్లైన్ విద్య వరకు
గురువుగా గురుతర బాధ్యత నిర్వహిస్తున్నా…
ఉపాధ్యాయ దినోత్సవ శుభాకాంక్షలతో…💐💐💐
-తంగెళ్ళపల్లి ఆనందాచారి,
9848683377