KVS అడ్మిషన్ 2024 : 1వ తరగతిలో ప్రవేశానికి రిజిస్ట్రేషన్ లు షురూ..

దిశ, ఫీచర్స్ : కేంద్రీయ విద్యాలయ సంగతన్ 1వ తరగతిలో ప్రవేశం కోసం ఏప్రిల్ 1వ తేదీ నుంచి రిజిస్ట్రేషన్ ప్రక్రియను ప్రారంభించనుంది. KVS అధికారిక వెబ్‌సైట్‌లో దరఖాస్తు చేయడానికి ఉదయం 10 గంటల నుంచి లింక్ యాక్టివేట్ చేశారు. ప్రవేశం కోసం తల్లిదండ్రులు KVS వెబ్‌సైట్ kvsonlineadmission.kvs.gov.inని సందర్శించి ఆన్‌లైన్‌లో దరఖాస్తు చేసుకోవచ్చు. రిజిస్ట్రేషన్ కోసం చివరి తేదీ 15 ఏప్రిల్ 2024 ఉండనుంది.

1వ తరగతిలో ప్రవేశానికి పిల్లల వయస్సు 31 మార్చి 2024 నాటికి 6 సంవత్సరాలు నిండి ఉండాలి. KVS జారీ చేసిన నోటిఫికేషన్ ప్రకారం ఒకే కేంద్రీయ విద్యాలయంలో ఒక్క విద్యార్ధి కోసం బహుళ రిజిస్ట్రేషన్ ఫారమ్‌లను సమర్పించినట్లయితే, ప్రవేశ ప్రక్రియలో చివరి దరఖాస్తు మాత్రమే పరిగణిస్తారు. బాల్ వాటికా క్లాస్ 1-3 లో ప్రవేశానికి దరఖాస్తు ప్రక్రియ ఏప్రిల్ 1 నుంచి ప్రారంభమవుతుంది.

KVS అడ్మిషన్ 2024 కోసం ఎలా నమోదు చేసుకోవాలి ?

kvsonlineadmission.kvs.gov.in అధికారిక వెబ్‌సైట్‌కి లాగిన్ అవ్వాలి.

హోమ్ పేజీలో ఇచ్చిన రిజిస్ట్రేషన్ లింక్‌ పై క్లిక్ చేయాలి.

వివరాలను నమోదు చేసి, దరఖాస్తు ఫారమ్‌ను పూరించాలి.

అవసరమైన పత్రాలను అప్‌లోడ్ చేసి సమర్పించాలి.

ఏ కేటగిరీలో ఎన్ని సీట్లు ?

కేంద్రీయ విద్యాలయంలో 1వ తరగతిలో 15 శాతం సీట్లు ఎస్సీ వర్గానికి రిజర్వ్ చేశారు. 7.5 శాతం సీట్లు ఎస్టీ కేటగిరీకి, 27 శాతం సీట్లు ఓబీసీ కేటగిరీకి రిజర్వ్ చేశారు. ఆర్టీఈ కింద 25 శాతం సీట్లు రిజర్వ్ చేశారు. వికలాంగ వర్గానికి చెందిన పిల్లలు కూడా 3 శాతం క్షితిజ సమాంతర రిజర్వేషన్ల ప్రయోజనాన్ని పొందే అవకాశాలు ఉన్నాయి.

అడ్మిషన్ జాబితా ఎప్పుడు విడుదల చేస్తారు ?

KVS జారీ చేసిన అధికారిక నోటిఫికేషన్ ప్రకారం 1వ తరగతిలో ప్రవేశానికి మొదటి ఎంపిక, వెయిటింగ్ లిస్ట్ ను ఏప్రిల్ 19 న విడుదల చేయనున్నారు. ఆ తర్వాత ఏప్రిల్ 29న రెండో జాబితా, మే 8న మూడో జాబితా విడుదల చేస్తారు. ప్రవేశానికి సంబంధించిన మరింత సమాచారం కోసం, తల్లిదండ్రులు KVS అధికారిక వెబ్‌సైట్‌ను సందర్శించవచ్చు.