నేడే గేట్ 2024 ఫలితాలు విడుదల.. ఇలా చెక్ చేయండి..

దిశ, ఫీచర్స్ : ఇంజనీరింగ్ 2024 లో గ్రాడ్యుయేట్ ఆప్టిట్యూడ్ టెస్ట్ (గేట్ 2024) ఫలితాలను ఇండియన్ ఇన్‌స్టిట్యూట్ ఆఫ్ సైన్స్ (IISc, బెంగళూరు) ప్రకటించింది. ఫలితాలు అధికారిక వెబ్‌సైట్ gate2024.iisc.ac.inలో విడుదల చేశారు. ఫలితాల ప్రకటన తర్వాత అభ్యర్థులు వారి రిజిస్ట్రేషన్ నంబర్ ద్వారా స్కోర్‌కార్డ్‌ను తనిఖీ చేయవచ్చు. మార్చి 15న గేట్ 2024 పరీక్ష తుది సమాధాన కీ విడుదల చేశారు. 2024 ఫిబ్రవరి 3 నుండి 11 వరకు దేశవ్యాప్తంగా పరీక్ష జరిగింది.

ఈసారి GATE 2024, 2024 ఫిబ్రవరి 3, 4, 10, 11 తేదీలలో నిర్వహించారు. ఫిబ్రవరి 19న ప్రొవిజినల్ ఆన్సర్ కీ విడుదల చేయగా, 22 నుంచి 25వ తేదీ వరకు ప్రొవిజనల్ ఆన్సర్ కీ పై అభ్యంతరాలను స్వీకరించారు. దీనిపై వచ్చిన అభ్యంతరాలను పరిష్కరించిన అనంతరం మార్చి 15న తుది సమాధాన కీని విడుదల చేశారు.

గతేడాది 6.70 లక్షల మంది అభ్యర్థులు గేట్ పరీక్షకు 29 పేపర్‌లకు రిజిస్టర్ చేసుకున్నారు. వీరిలో 5.17 లక్షల మంది అభ్యర్థులు దేశవ్యాప్తంగా 500కి పైగా కేంద్రాల్లో పరీక్షకు హాజరయ్యారు. మొత్తం 77 శాతం మంది అభ్యర్థులు పరీక్షకు హాజరయ్యారు. గేట్ పరీక్షలో విజయం సాధించిన అభ్యర్థులు ఇండియన్ ఇన్‌స్టిట్యూట్ ఆఫ్ సైన్స్ (IISc) బెంగళూరు, IIT బాంబే, IIT ఢిల్లీ, IIT గౌహతి, IIT కాన్పూర్, IIT ఖరగ్‌పూర్, IIT మద్రాస్, IIT రూర్కీలలో PG ప్రోగ్రామ్‌లలో ప్రవేశం పొందవచ్చు.

గేట్ 2024 ఫలితాలను ఎలా తనిఖీ చేయాలి ?

GATE gate2024.iisc.ac.in అధికారిక వెబ్‌సైట్‌ను సందర్శించండి.

హోమ్ పేజీలో గేట్ 2024 ఫలితాల లింక్‌ పై క్లిక్ చేయండి.

లాగిన్ వివరాలను నమోదు చేసి సమర్పించండి.

ఫలితాలు మీ స్క్రీన్‌ పై కనిపిస్తాయి.