UPI Transactions: అక్టోబర్ నెలలో భారీగా పెరిగిన యూపీఐ లావాదేవీలు

దిశ, వెబ్ డెస్క్: యూనిఫైడ్ పేమెంట్స్ ఇంటర్‌ఫేస్ లావాదేవీలు(UPI Transactions) గత నెలలో రికార్డు స్థాయిలో నమోదయ్యాయి. అక్టోబర్(October)లో మొత్తం 1658 కోట్ల యూపీఐ లావాదేవీలు జరిగాయని, వాటి విలువ రూ. 23.5 లక్షల కోట్లుగా ఉంటుందని నేషనల్ పేమెంట్స్ కార్పొరేషన్ ఆఫ్ ఇండియా(NPCI) శుక్రవారం ఓ ప్రకటనలో తెలిపింది. గతంలో ఎప్పుడు లేని విధంగా పోయిన నెలలో యూపీఐ ట్రాన్సక్షన్స్ పెరిగినట్లు పేర్కొంది. సెప్టెంబర్ నెలలో ఈ లావాదేవీల సంఖ్య 1500 కోట్లుగా నమోదైందని NPCI వెల్లడించింది. అలాగే వార్షిక ప్రాతిపదికన సంఖ్యలో 45 శాతం, విలువలో 34 శాతం పెరిగిందని తెలిపింది. ఇక సెప్టెంబర్ లో రోజుకి సగటున 5 కోట్ల ట్రాన్సక్షన్స్ జరగగా, అక్టోబర్ నెలలో ఈ సంఖ్య 5.35 కోట్లకు పెరిగింది. అలాగే ఫాస్టాగ్(Fastag), ఆటోమేటెడ్ టోల్ పేమెంట్ సిస్టమ్(ATPS) ద్వారా జరిగిన ట్రాన్సక్షన్ల విలువ 34 కోట్లుగా ఉందని, బ్యాంకుల ద్వారా జరిగే ఐఎంపీఎస్(IMPS) లావాదేవీల సంఖ్య 45 కోట్లుగా నమోదయ్యాయని NPCI తెలిపింది.