మా సిద్దిపేట రైతు బిడ్డకు శుభాకాంక్షలు.. హరీష్ రావు ఇంట్రెస్టింగ్ పోస్ట్
దిశ, వెబ్‌డెస్క్: బిగ్‌బాస్ సీజన్-7 ఇన్ని రోజులు చాలా ఉత్కంఠగా జరిగింది. ఇందులో 19 కంటెస్టెంట్స్ పాల్గొనగా చివరికి పల్లవి ప్రశాంత్ విన్నర్‌గా, అమర్ దీప్ రన్నర్‌గా నిలిచారు. ఈ ఎపిసోడ్ నిన్న ఆదివారం ప్రసారమైంది. దీంతో ఓ కామన్ మ్యాన్ ప్రస్తుతం సెలబ్రిటీలా మారిపోయాడు. రైతు బిడ్డగా ఎంట్రీ ఇచ్చి సరికొత్త రికార్డ్ సృష్టించాడు. ఒక్కసారిగా సోషల్ మీడియా మొత్తం పల్లవి ప్రశాంత్ పేరు మార్మోగుతుంది. పెద్ద ఎత్తున జనాలు ఆయనకు శుభాకాంక్షలు తెలుపుతున్నారు. ఈ క్రమంలో హరీష్ రావు ట్విట్టర్ వేదికగా పల్లవి ప్రశాంత్ స్పెషల్‌గా విషెస్ తెలిపారు. ‘‘ మా సిద్దిపేటకు చెందిన రైతుబిడ్డ విజేతగా నిలిచినందుకు సంతోషంగా ఉంది. పొలాల నుంచి బిగ్‌బాస్ హౌస్ వరకు అతని ప్రయాణం ప్రేక్షకుల హృదయాలను గెలుచుకుంది. ఈ సీజన్‌లో రైతుగా బరిలోకి దిగిన పల్లవి ప్రశాంత్ సామాన్యుల దృఢ సంకల్పానికి ప్రత్యేకగా నిలిచారు’’ అంటూ హరీష్ రావు రాసుకొచ్చారు. ప్రస్తుతం ఆయన చేసిన పోస్ట్ నెట్టింట చక్కర్లు కొడుతోంది.
