బిగ్‌బాస్ ఫేమ్ లోస్లియా ఈజ్ బ్యాక్
దిశ, వెబ్‌డెస్క్: నటి, శ్రీలంకన్ న్యూస్ రీడర్‌ లోస్లియా.. తమిళ బిగ్‌బాస్ 3 విజేతగా నిలుస్తుందని అందరూ భావించారు. కానీ చివరి నిమిషంలో ఆమె రన్నరప్‌గా నిలిచింది. ఇక ఆ షో తర్వాత ఆమె రెండు తమిళ సినిమాల్లో అవకాశాలు అందుకోగా, ఆయా మూవీ షూటింగ్స్ ఇప్పుడు ఫైనల్ స్టేజ్‌లో ఉన్నాయి. ఇదిలా ఉంటే, ఆమె తండ్రి ఇటీవలే గుండెపోటుతో కెనడాలో మరణించిన విషయం తెలిసిందే. అయితే ఇన్నాళ్లుగా సోషల్ మీడియాకు దూరంగా ఉన్న లోస్లియా, తాజాగా సోషల్ మీడియాలో పెట్టిన పోస్ట్ వైరల్‌గా మారింది.
తన తండ్రి జ్ఞాపకాల్లోంచి ఇప్పుడిప్పుడే తేరుకుంటున్న లోస్లియా.. లైఫ్‌లో మళ్లీ బిజీగా మారాలనుకుంటోంది. ఈ క్రమంలోనే ‘సోషల్ మీడియా’కు తిరిగొచ్చిన తను.. ఇన్‌స్టాలో ఫొటో అప్‌లోడ్ చేయడంతో పాటు ‘నమ్మకం’ అని రాస్తూ ఓ లవ్ సింబల్ ఎమోజీ పెట్టగా, తన అభిమానులంతా ఆ పోస్ట్‌కు ఖుషీ అయిపోయారు. ‘లోస్లియా మేడమ్ మళ్లీ వచ్చేసింది.. ఇది 2021లోనే సూపర్ గుడ్ న్యూస్, బిగ్ బ్రేకింగ్.. లోస్లియా ఈజ్ బ్యాక్’ అంటూ కామెంట్లు చేయడంతో పాటు, తను కమ్ బ్యాక్ అయినందుకు వెల్‌కమ్ చెబుతున్నారు. ఆమె పెట్టిన పోస్ట్ కొద్ది గంటల్లోనే సోషల్ మీడియా వేదికల్లో వైరల్‌గా మారింది. ఇక ఆమె క్రికెట్ స్టార్ హర్భజన్‌తో కలసి నటిస్తున్న ‘ఫ్రెండ్‌షిప్’ త్వరలోనే ప్రేక్షకుల ముందుకొచ్చే అవకాశముంది.
