ఇమ్రాన్ హష్మి, టీ-సిరీస్ నుంచి మరో సింగిల్
దిశ, సినిమా : బాలీవుడ్‌లో సీరియల్ కిస్సర్‌ ఇమ్రాన్ హష్మి, టీ సిరీస్ అధినేత భూషన్ కుమార్‌ది హిట్ కాంబినేషన్‌. 2015లో వీరిద్దరి కొలాబరేషన్‌లో వచ్చిన ‘మై రహూ యా న రహూ’ ఎంత పెద్ద హిట్ అయ్యిందో తెలిసిందే. అంతేకాదు ఈ మధ్య రిలీజైన ‘లూట్ గయే’ సింగిల్ కూడా మ్యాజిక్ క్రియేట్ చేసింది. ఈ రెండు పాటలను పాడింది సింగర్ జుబిన్ నౌతియాల్ కాగా, అతనితో ఏడాది కాలంలో 12 సింగిల్స్ పాడించినట్టు భూషన్ కుమార్ వెల్లడించారు.
ఈ పాట తమ ఎక్స్‌పెక్టేషన్స్‌కు మించి హిట్ అయ్యిందని పేర్కొన్నారు. ఈ నేపథ్యంలోనే ఇమ్రాన్ హష్మితో మరో సింగిల్‌కు ప్లాన్ చేస్తున్నామని, ఈ సాంగ్ కూడా జుబిన్‌తోనే పాడిస్తామని ఆయన తెలిపారు. ‘లూట్ గయే’ సక్సెస్ తర్వాత ఇమ్రాన్.. మాతో ప్రతి రెండు మూడు నెలలకో సాంగ్ చేయాలనుకుంటున్నాడని, ప్రస్తుతం మూడో సింగిల్‌కు సంబంధించిన షూట్‌ను ఒకటి, రెండు నెలల్లో కంప్లీట్ చేస్తామని కన్‌ఫర్మ్ చేశారు.
