‘ప్లీజ్ సేవ్ తెలుగు గర్ల్’.. బండ్ల గణేశ్ ట్వీట్..

దిశ, వెబ్‌డెస్క్: ‘ప్లీజ్ సేవ్ తెలుగు గర్ల్’ పేరుతో సినీ నటుడు, నిర్మాత బండ్ల గణేశ్ చేసిన ట్వీట్ ప్రస్తుతం వైరల్‌గా మారింది. పని కోసం గల్ఫ్ దేశానికి వెళ్లిన ఓ తెలుగు అమ్మాయి పడుతున్న ఇబ్బందులను కళ్లకు కట్టేలా ఉన్న ఓ వీడియోను ఆయన ట్విట్టర్‌లో పోస్టు చేశాడు.

https://twitter.com/ganeshbandla/status/1298297321696837633?s=20

‘ఎలాగైనా ఆ అమ్మాయిని కాపాడాలని కోరుతూ, రెండు తెలుగు రాష్ట్రాల సీఎంలు కేసీఆర్, వైఎస్ జగన్, తెలంగాణ ఐటీ మంత్రి కేటీఆర్, రాష్ట్ర డీజీపీ మహేందర్ రెడ్డి ట్విట్టర్ అకౌంట్లకు’ ట్యాగ్ చేశాడు.

గల్ఫ్ కంట్రీలో ఉంటున్న దుర్గా రావు అనే తెలుగు వ్యక్తి ఆ వీడియోను బండ్ల గణేశ్‌కు షేర్ చేయగా, ఆయన రెండు రాష్ట్రాల సీఎంలు, మంత్రి కేటీఆర్, తెలంగాణ డీజీపీకి షేర్ చేశారు. ఈ వీడియాలో తెలుగు అమ్మాయిని ఓ మహిళా విచక్షణా రహితరంగా కర్రతో కొడుతున్న దృశ్యాలు, దెబ్బలు తాళలేక బాధితురాలు పెడుతున్న ఆర్తనాదాలు అందర్నీ కలిచివేస్తున్నాయి. కాగా, వీడియోపై తెలుగు రాష్ట్రాల సీఎంలు ఏ నిర్ణయం తీసుకుంటారో వేచిచూడాల్సిందే.