మళ్లీ అక్కడికే వచ్చేసిన బండ్ల గణేష్..

దిశ, సినిమా : కాంట్రవర్సీ కామెంట్స్‌తోనే పాపులారిటీ సంపాదించుకున్న నిర్మాత బండ్ల గణేష్ మరోసారి వార్తల్లో నిలిచారు. ఈ మధ్యే వివాదాలకు దూరంగా బతకాలనుకుంటున్నానని పోస్ట్ పెట్టి, ట్విట్టర్ నుంచి వైదొలుగుతున్నట్లు ప్రకటించిన సంగతి తెలిసిందే. దీంతో షాకైన అభిమానులు నిజంగానే ట్విట్టర్‌కు దూరంగా ఉంటాడని అనుకున్నా.. అలా జరగదని మళ్లీ ఓ ట్వీట్ చేశాడు. ఫేమస్ జర్నలిస్ట్ సలహాలు, సూచనల మేరకు ట్విట్టర్‌లో కొనసాగాలని అనుకుంటున్నానని తెలిపాడు. సోషల్ మీడియా ద్వారా ప్రజలకు అందుబాటులో ఉండాలని సూచించారని, ఆయన సలహాను గౌరవంగా భావించి మళ్లీ మీ అందరి ముందుకు వస్తున్నానని వెల్లడించాడు. దీంతో పవన్ అభిమానులు ఖుష్ అవుతున్నారు. కాగా లేటెస్ట్‌గా ‘సూర్యుడు ఒక్కడే.. చంద్రుడు ఒక్కడే.. దేవర ఒక్కడే’ అంటూ పవన్ కళ్యాణ్‌ గురించి ట్వీట్ చేశాడు బండ్ల.

పెద్దలు జర్నలిస్ట్ డైరీ సతీష్ బాబు గారు ఈరోజు ప్రజలకి సోషల్ మీడియా ద్వారా అందుబాటులో ఉండమని నాకు సలహా ఇవ్వటం వారు ఇచ్చిన సలహాను గౌరవంగా భావించి మీ అందరి ముందు కి మళ్ళీ వస్తున్నాను 🙏

— BANDLA GANESH. (@ganeshbandla) August 17, 2021