ట్రైయాంగిల్ లవ్ స్టోరీ ‘అత్రంగి రే’ నుంచి మరో సాంగ్ రిలీజ్
దిశ, సినిమా: సారా అలీ ఖాన్, ధనుష్, అక్షయ్ కుమార్ ప్రధాన పాత్రల్లో నటించిన చిత్రం ‘అత్రంగి రే’. ఈ మూవీని డిసెంబర్ నెలాఖరున విడుదల చేస్తున్నట్లు తెలిపిన మేకర్స్.. సినిమా విడుదలకు ముందే ఒక్కో సాంగ్ రిలీజ్ చేస్తూ అభిమానులను అలరిస్తున్నారు. ఈ క్రమంలోనే ఇటీవల ‘చక్ చక్’ పాట రిలీజ్ చేయగా సూపర్ హిట్ అయింది. కాగా తాజాగా ‘రైత్ జరా సి’ అనే మరో గీతాన్ని విడుదల చేసారు. కాగా ఈ పాటలో ధనుష్.. సారాను బలవంతంగా వివాహం చేసుకున్న తర్వాత ఆమె అక్షయ్ కుమార్‌తో ప్రేమలో పడినట్లు చూపించారు.
కాగా ఈ ట్రైయాంగిల్ లవ్ స్టోరీ ఆసక్తికరంగా ఉన్నట్లు తెలుస్తోంది. ఇక ఏఆర్ రెహమాన్ సంగీతంలో అరిజిత్ సింగ్, షాషా తిరుపతి ఆలపించిన ఈ పాటకు ఇర్షాద్ కమిల్ లిరిక్స్ అందించారు. ఇక ఈ సాంగ్‌ను సోషల్ మీడియాలో పోస్ట్ చేసిన సారా ‘ప్రేమ కోసం నా గుండె దడదడలాడుతోంది’ అని క్యాప్షన్ ఇచ్చింది. కాగా లెజెండరీ ఆనంద్ ఎల్ రాయ్ దర్శకత్వం వహిస్తూనే భూషణ్ కుమార్‌తో కలిసి నిర్మించిన సినిమా.. డిసెంబర్ 24న డిస్నీ+హాట్‌స్టార్‌లో విడుదల కానుంది.
- Tags
- Atrangi Re
