ఆర్య న్యూ లుక్ వైరల్

మల్టీ స్టారర్ మూవీ ‘కాప్పన్(బందోబస్త్)’తో కోలీవుడ్ సూపర్ హీరో ఆర్య హిట్ కొట్టాడు. ఆ చిత్రంలో తన నటనకు విమర్శకుల ప్రశంసలు అందుకున్నాడు. త్వరలో ‘టెడ్డీ’ సినిమాతో ప్రేక్షకుల ముందుకు రాబోతున్న ఆర్య లుక్‌ను ఫుల్‌గా ఛేంజ్ చేశాడు. సిక్స్ ప్యాక్‌తో పవర్ ఫుల్‌గా కనిపిస్తున్నాడు. టెడ్డీ హీరోయిన్‌గా ఆర్య వైఫ్ సయేషా సైగల్ నటిస్తుండగా… శక్తి సుందర్ రాజన్ దర్శకత్వం వహించారు. స్టూడియో గ్రీన్ బ్యానర్‌పై కేఈ జ్ఞానవేల్ రాజా నిర్మించారు.

ఇదిలా ఉండగా ఆర్య 30వ సినిమా బాక్సింగ్ నేపథ్యంలో ఉంటుందని సమాచారం. ఇందుకోసం బాక్సింగ్ ట్రైనింగ్ కూడా తీసుకుంటున్న ఆర్య.. బాడీని పెంచేశాడు. ఈ పిక్‌ను సోషల్ మీడియాలో షేర్ చేశాడు. నువ్వు ఎంత శక్తిమంతుడివో నీకు తెలియదు, నువ్వు అలా ఉండే వరకు.. అంటూ క్యాప్షన్ యాడ్ చేశాడు. గురువారం సాయంత్రం తన 30వ సినిమా ప్రీ లుక్ రిలీజ్ చేస్తామని ఆర్య ప్రకటించాడు. ఈ సినిమాను పా రంజిత్‌తో చేస్తున్నట్లు సమాచారం.