కశ్మీర్​లో ఉగ్ర దాడి.. పెద్దపల్లి జవాన్​ మృతి

దిశ, కరీంనగర్: జమ్మూ కశ్మీర్‌లో జరిగిన ఉగ్రదాడిలో పెద్దపల్లి జిల్లా రామగిరి మండలం నాగారం గ్రామానికి చెందిన ఆర్మీ జవాన్ వీరమరణం పొందాడు. సోమవారం సాయంత్రం జవాన్ కుటుంబసభ్యులకు ఆర్మీ అధికారులు సమాచారం అందించారు. గ్రామానికి చెందిన సాలిగం శ్రీనివాస్(28) 2013లో ఆర్మీలో చేరాడు. రెండేండ్ల క్రితం వివాహం చేసుకున్నారు. శ్రీనివాస్‌కు తల్లిదండ్రులతో పాటు ఓ తమ్ముడు, భార్య మమత ఉండగా, నిరుపేద కుటుంబానికి చెందిన శ్రీనివాస్ తండ్రి పశువుల కాపరి కాగా తమ్ముడు రాజు తాపీమేస్త్రి పని చేసి జీవనం సాగిస్తున్నారు. జవాన్ శ్రీనివాస్ మృతితో రామగిరి మండలంలో విషాదం నెలకొంది.