కీసర ఏసీబీ కేసులో మరో ఆత్మహత్య..

దిశ, వెబ్‌డెస్క్: లంచం తీసుకున్న కేసులో ఏసీబీ అధికారులకు రెడ్ హ్యండెడ్‌గా పట్టుబడిన కీసర తహసీల్దార్ నాగరాజు జైలులోనే ఆత్మహత్య చేసుకున్న విషయం అందరికీ తెలిసిందే. ఆ ఘటనను ఇంకా ఎవరూ మరువక ముందే ఇదే కేసులో నిందితుడిగా ఉన్న మరో వ్యక్తి ఆత్మహత్యకు పాల్పడ్డాడు. ఈ ఘటన ఆదివారం ఉదయం వెలుగులోకి వచ్చింది.

ఇటీవల బెయిల్‌పై విడుదలైన ధర్మారెడ్డి చెట్టుకు ఉరేసుకుని ఆత్మహత్య చేసుకున్నాడు. అయితే, ధర్మారెడ్డి అకస్మాత్తుగా ఆత్మహత్య చేసుకోవడం పలు అనుమానాలకు తావిస్తోంది. సమాచారం అందుకున్న పోలీసులు ఘటనా స్థలికి చేరుకుని మృతదేహాన్ని పరిశీలించారు. ఈ మేరకు కేసు నమోదు చేసుకుని దర్యాప్తు చేస్తున్నట్లు వెల్లడించారు. కాగా, దీనికి సంబంధించిన పూర్తి వివరాలు తెలియాల్సి ఉంది.