ఇక ‘ధూం ధాం’.. షర్మిల మరో కీలక నిర్ణయం..

దిశ, తెలంగాణ బ్యూరో : పార్టీ ప్రకటన నాటి నుంచి లోటస్​పాండ్‌లో షర్మిల.. ఆత్మీయ సమ్మేళనాలు నిర్వహిస్తున్న విషయం తెలిసిందే. అయితే ఇక నుంచి కళాకారులకు ప్రజా గాయకుడు ఏపూరి సోమన్న ఆధ్వర్యంలో ఉచితంగా శిక్షణ తరగతులు కూడా నిర్వహించేందుకు సిద్ధమైనట్లు షర్మిల కార్యాలయ వర్గం చెబుతోంది. తెలంగాణలో ఉన్న కవులు, కళాకారులతో భవిష్యత్ కార్యాచరణ రూపకల్పన చేసేందుకే ఈ నిర్ణయం తీసుకున్నట్లు సమాచారం.

ఈ కార్యక్రమాన్ని ఈనెల 23 నుంచి ప్రారంభించనున్నట్లు తెలుస్తోంది. ఇదిలా ఉండగా సోమవారం షర్మిల.. ముస్లిం నాయకులు, అభిమానులతో మధ్యాహ్నం 2 గంటలకు ఆత్మీయ సమ్మేళనం నిర్వహిస్తున్నట్లు కార్యాలయ వర్గం స్పష్టం చేసింది. ఈ సమావేశానికి అభిమానులు భారీగా తరలివచ్చి షర్మిలకు అండగా నిలిచి మద్దతు తెలపాలన్నట్టు సమాచారం.