ఫిబ్రవరి 12న విశాఖలో షాపింగ్ చేసిన సత్యవర్ధన్.. వీడియో విడుదల చేసిన వైసీపీ

దిశ, వెబ్ డెస్క్: సత్యవర్ధన్ కిడ్నాప్(Satyavardhan Kidnap Case), బెదిరింపుల కేసులో గన్నవరం మాజీ ఎమ్మెల్యే వల్లభనేని వంశీ(Vallabhaneni Vamsi)ని అరెస్ట్ చేసి రిమాండ్‌కు తరలించి విషయం తెలిసిందే. అయితే ఈ కేసులో బుధవారం కూడా వంశీని కస్టడీకి తీసుకుని విచారించారు. వంశీతో పాటు మరో ఇద్దరు అనుచరులకు ప్రశ్నల వర్షం కురిపించారు. విచారణ అనంతరం విజయవాడ సబ్ జైలు(Vijayawada Sub Jail)కు తరలించారు.

ఇదిలా ఉంటే సత్యవర్ధన్ ఫిబ్రవరి 12న విశాఖ(Visakha)లో ఓ బట్టల దుకాణంలో షాపింగ్ చేస్తున్న వీడియోను వైసీపీ (Ycp)విడుదల చేసింది. అంతేకాదు ప్రభుత్వం, పోలీసుల తీరుపై విమర్శలు కురిపించింది. సత్యమేవ జయతే అంటూ ‘‘ తీవ్ర అధికార దుర్వినియోగానికి పాల్పడుతూ, తప్పుడు కేసులు, అక్రమ నిర్బంధాలతో చట్టాన్ని, న్యాయవ్యవస్థలను అపహాస్యం చేస్తున్న కూటమి ప్రభుత్వంతీరుకు నిలువెత్తు నిదర్శనం ఇది.

ఈ వీడియోలో బ్లూషర్ట్‌ వేసుకున్న వ్యక్తే సత్యవర్ధన్‌. వల్లభనేని వంశీ కిడ్నాప్‌ చేశారంటూ పోలీసులు చెప్తున్న వ్యక్తి ఇతనే. మరి ఈవీడియోను చూస్తే సత్యవర్ధన్‌ కిడ్నాప్‌నకు గురైనట్టుగా ఉందా?. పోలీసులు ఆరోపిస్తున్న ఫిబ్రవరి 12న విశాఖపట్నంలోని ఆనందపురం జంక్షన్‌లో ఒక బట్టల దుకాణంలో స్వేఛ్చగా షాపింగ్‌ చేసుకుంటున్న సత్యవర్ధన్‌ వీడియో ఇది. కిడ్నాప్‌ చేసి, నిర్బంధించిన వ్యక్తి బయటకు ఎలా వస్తారు?. ఇలా స్వేచ్ఛగా షాపింగ్‌ ఎలా చేస్తారు?. దీని అర్థం పోలీసులు తప్పుడు కేసులు పెట్టారని, వారి కుటుంబ సభ్యులను భయపెట్టి, బెదిరించి తప్పుడు ఫిర్యాదు తీసుకున్నారని ఈ వీడియో సాక్షిగా బయటపడింది.’’ అని వైసీపీ సోషల్ మీడియా కార్యకర్తలు విమర్శలు చేస్తున్నారు.

💣 Truth Bomb 💣

సత్యమేవ జయతే

తీవ్ర అధికార దుర్వినియోగానికి పాల్పడుతూ, తప్పుడు కేసులు, అక్రమ నిర్బంధాలతో చట్టాన్ని, న్యాయవ్యవస్థలను అపహాస్యం చేస్తున్న @ncbn సర్కారు తీరుకు నిలువెత్తు నిదర్శనం ఇది.

ఈ వీడియోలో బ్లూషర్ట్‌ వేసుకున్న వ్యక్తే సత్యవర్థన్‌. వల్లభనేని వంశీ కిడ్నాప్… pic.twitter.com/pAa5VMknV9

— YSR Congress Party (@YSRCParty) February 26, 2025