Bjp: విద్యార్థులు క్రీడా స్పూర్తితో మెలగాలి..

దిశ, గాజువాక: విద్యార్థులు క్రీడా స్పూర్తితో మెలగాలని, అప్పుడే అనుకున్న లక్ష్యాన్ని సాధించవచ్చని బీజేపీ గాజువాక నియోజకవర్గ కన్వీనర్ కరణంరెడ్డి నరసింగరావు అన్నారు. గాజువాక హైస్కూలు మైదానంలో జాతీయ క్రీడా దినోత్సవం సందర్భంగా కల్చర్ ఫౌండేషన్, ట్రైన్,రైస్ సంస్థల సంయుక్త ఆధ్వర్యంలో జిల్లా స్థాయి క్రీడలు నిర్వహించారు. రెండో రోజు కార్యక్రమాన్ని నరసింగరావు ప్రారంభించారు. పోటీలకు హాజరైన విద్యార్థులతో ముచ్చటించారు. అనంతరం వాలీబాల్, రన్నింగ్ పోటీలను జెండా ఊపి ప్రారంభించారు. ప్రభుత్వ పాఠశాలల్లో చదువుతున్న విద్యార్థులందరినీ ఒకే వేదికపైకి తీసుకువచ్చి పోటీలు నిర్వహించడం అభినందనీయమని కరణంరెడ్డి నరసింగరావు తెలిపారు.