మహా శివరాత్రి మహోత్సవాలకు ప్రముఖులకు ఆహ్వానం..
దిశ, తిరుచానూరు: తిరుచానూరు సమీపంలో గల యోగిమల్లవరం లో కొలువుదీరిన మహిమాన్వితమైన శ్రీ కామాక్ష్యంబా సమేత శ్రీ పరాశరేశ్వర స్వామి ఆలయంలో మహా శివరాత్రి వేడుకలలో పాల్గొనాలని చైర్మన్ చెవిరెడ్డి మోహిత్ రెడ్డి, తిరుచానూరు సర్పంచ్ కె రామచంద్రారెడ్డి ఆలయ చైర్మన్ శ్రీధర్ రెడ్డి ఆహ్వానించారు. గురువారం తుమ్మలగుంట చెవిరెడ్డి మోహిత్ రెడ్డి నివాసం వద్ద ఆలయ మహా శివరాత్రి వేడుకలు గోడ పత్రికను చెవిరెడ్డి మోహిత్ రెడ్డి ఆవిష్కరించారు. పురాతన శివాలయం లో శివరాత్రి వేడుకలు ఘనంగా నిర్వహిస్తారని తప్పక హాజరవుతానని స్పష్టం చేశారు.అలాగే తిరుచానూరు కే రామచంద్రారెడ్డి దంపతులకు మహా శివరాత్రి వేడుకలు ప్రత్యేక ఆహ్వాన పత్రికను అందజేశారు.
మార్చి 8 నుంచి 10వ తేదీ వరకు శివరాత్రి మహోత్సవాలు నిర్వహించనున్నట్లు ఆలయ చైర్మన్ శ్రీధర్ రెడ్డి తెలిపారు. మార్చి 8వ తేదీన ప్రత్యేక అభిషేకం, మధ్యాహ్నం ప్రదోష అభిషేకం, 9వ తేదీ ఏకాంత సేవ, అన్నదాన కార్యక్రమాలు,10వ తేదీ శ్రీ స్వామి, అమ్మవార్ల కల్యాణోత్సవం నిర్వహించనున్నట్లు తెలిపారు. స్వామి, అమ్మవార్ల కళ్యాణోత్సవంలో పాల్గొనే భక్తులు రూ.400 చెల్లించాల్సి ఉంటుందన్నారు. కావున పసుపు, కుంకుమ, పసుపు దారం, కండవ, జాకెట్, టెంకాయ, తాంబూలం, లడ్డు ప్రసాదం, బ్యాగును భక్తులకు అందజేస్తామని తెలిపారు.
భక్తులు శివరాత్రి వేడుకల్లో పాల్గొని స్వామి, అమ్మవార్ల ఆశీస్సులు పొందాలని పేర్కొన్నారు. శివరాత్రి వేడుకల్లో కార్యక్రమ దాతగా సర్పంచ్ కె.రామచంద్రా రెడ్డి వ్యవహరిస్తారని వివరించారు. ఈ కార్యక్రమంలో ఈఓ మమత, ప్రధాన అర్చకులు మూర్తి గురుకుల, పాలకమండలి సభ్యులు తిరుపాల్ రెడ్డి, వాసు, వార్డు మెంబర్ లోకేశ్వర్ రెడ్డి, డివిజన్ అధ్యక్షులు సూర్య, శరవణ తదితరులు పాల్గొన్నారు.
Read More..
