APSRTC:ప్రయాణికులకు గుడ్ న్యూస్.. ఆర్టీసీ కీలక ఆదేశాలు జారీ
దిశ,వెబ్‌డెస్క్: రాష్ట్రం(Andhra Pradesh)లో ఎన్డీయే కూటమి ప్రభుత్వం(AP Government) అభివృద్ధి (Development) దిశగా అడుగులు వేస్తోంది. ఈ క్రమంలో సీఎం చంద్రబాబు(CM Chandrababu) ఇప్పటికే పలు అభివృద్ధి కార్యక్రమాలు చేపట్టిన విషయం తెలిసిందే. ఈ తరుణంలో ఏపీ సర్కార్ వాట్సాప్ ఆధారిత సేవలను అందుబాటులోకి తెచ్చిన విషయం విదితమే. ఈ క్రమంలో ఆర్టీసీ బస్ టికెట్లను(RTC Bus Ticket) వాట్సప్(Watsapp) ద్వారా బుక్ చేసుకున్న ప్రయాణికులను బస్సుల్లో అనుమతించాలని యాజమాన్యం ఆదేశాలు జారీ చేసింది.
దూర ప్రాంత బస్సు సర్వీసులన్నింటిలో వాట్సాప్ ద్వారా టికెట్ల బుకింగ్‌కు అవకాశం కల్పించారు. దీనిపై క్షేత్రస్థాయి సిబ్బందికి అవగాహన కల్పించాలని అన్ని జిల్లాల అధికారులు, డిపో మేనేజర్లకు యాజమాన్యం ఆదేశాలు జారీ చేసింది. అయితే వాట్సప్ ద్వారా బస్సు టికెట్లు బుక్ చేసుకోవాలనుకునే వినియోగదారులు వాట్సాప్ 9552300009 నంబర్‌కు ముందుగా 'హాయ్' అని మెసేజ్ పంపాలి.
తర్వాత అందుబాటులో ఉన్న సేవల జాబితా కనిపిస్తుంది. అందులో ఆర్టీసీ టికెట్(RTC Ticket) బుకింగ్/రద్దు అనే ఆప్షన్‌ను ఎంచుకోవాలి. అనంతరం బయలుదేరే ప్రదేశం(Place), గమ్యస్థానం, తేదీ వంటి వివరాలు నమోదు చేయాలి. దీంతో అందుబాటులో ఉన్న సర్వీసులను చూపిస్తుంది. వాటిలో సీట్లు ఎంపిక చేసుకుని ఆన్‌లైన్‌ లేదా డిజిటల్ చెల్లింపులు చేయాలి. వెంటనే బుక్ చేసుకున్న వ్యక్తి వాట్సాప్ నంబర్‌కు టికెట్ వస్తుంది. వాట్సాప్‌లో వచ్చిన టికెట్‌ను చూపి ప్రయాణికులు ఆ బస్సులో(Bus) ప్రయాణించవచ్చు.
