BREAKING : జేసీ బ్రదర్స్‌కు చంద్రబాబు నుంచి పిలుపు.. ఆ టికెట్లు పక్కా!
దిశ, వెబ్‌డెస్క్: ఏపీలో సార్వత్రిక ఎన్నికలు దగ్గర పడుతున్న తరుణంలో ప్రధాన పార్టీ అధినేతలు తమ అభ్యర్థుల బలాబాలాలపై ఫోకస్ పెట్టారు. అధికార వైసీపీని ఓడించేందుకు ఇప్పటి నుంచి గ్రౌండ్ ప్రిపేర్ చేసుకుంటున్నారు. ఆయా నియోజకవర్గాల్లో అభ్యర్థుల మధ్య పోటీ నెలకొన్న తరుణంలో ప్రైవేటు సంస్థలతో సర్వేలు చేయించి తుది అభ్యర్థులను ఖరారు చేస్తున్నారు. ఈ క్రమంలోనే టీడీపీ అధినేత చంద్రబాబు అనంతపురం జిల్లాపై ఫోకస్ పెట్టారు. జిల్లాలో బలమైన నాయకులైన జేసీ ఫ్యామిలీ చరిష్మాను వాడుకుని అనంతరపురం క్లీన్‌స్వీప్ చేసేందుకు పక్కా ప్లాన్ వేయబోతున్నారు. ఈ క్రమంలోనే జేసీ బ్రదర్స్ హైదరాబాద్ రావాలంటూ బాబు కబురు పంపారు. ఈ మేరకు జేసీ ప్రభాకర్ రెడ్డి, అస్మిత్‌రెడ్డి హైదరాబాద్‌కు బయలుదేరారు. ఇప్పటికే తాడిపత్రి టికెట్ అస్మిత్‌‌రెడ్డికి ఖరారు కాగా, దీపక్‌రెడ్డికి రాయదుర్గం, వపన్ రెడ్డికి గుంతకల్లు టికెట్లు ఇవ్వాలంటూ జేసీ బ్రదర్స్ బాబుకు ప్రతిపాదించారు. ఈ తరుణంలో బాబు ఎలా స్పందిస్తారో వేచి చూడాల్సిందే.
