Satyasai District: పసికందును వదిలివెళ్లిన గుర్తు తెలియని వ్యక్తులు

దిశ, వెబ్ డెస్క్: శ్రీ సత్యసాయి జిల్లా సోమందేపల్లి మండలం చాలకూరు శివాలయంలో గుర్తు తెలియని వ్యక్తులు మూడు రోజుల పసికందును వదిలివెళ్లారు. శివాలయానికి వెళ్లిన అయ్యప్పభక్తులు పనికందును గమనించి స్థానిక సర్పంచ్‌కు సమాచారం అందించారు. దీంతో బాలుడిని స్వాధీనం చేసుకుని ఐసీడీఎస్ సిబ్బందికి అప్పగించారు. హిందూపూరంలో ఆస్పత్రిలో పసికందుకు వైద్య పరీక్షలు నిర్వహించి పుట్టపర్తి శిశు సంరక్షణ అధికారులకు అప్పగించనున్నారు. అయితే పనికందును చూసిన స్థానికులు చలించిపోయారు. మూడు రోజుల పసికందును ఎలా విడిచి వెళ్లారంటూ ఆవేదన వ్యక్తం చేశారు.