AP Politics:టీడీపీ విజయంలో నారా భువనేశ్వరి పాత్ర కీలకం..!
దిశ ప్రతినిధి,అనంతపురం:తెలుగుదేశం పార్టీ విజయంలో ముఖ్యమంత్రి చంద్రబాబు నాయుడు సతీమణి నారా భువనేశ్వరి పాత్ర కూడా చాలా ఉందని అనంతపురం అర్బన్ టీడీపీ నాయకులు అన్నారు. ఎమ్మెల్యే దగ్గుబాటి ప్రసాద్ సూచన మేరకు వారు అర్బన్ టీడీపీ కార్యాలయంలో నారా భువనేశ్వరి జన్మదిన వేడుకలను ఘనంగా నిర్వహించారు. కేక్ కట్ చేసి సంబరాలు చేసుకున్నారు. ఈ సందర్భంగా వారు మాట్లాడుతూ..ఎన్టీఆర్‌ ట్రస్ట్‌ ద్వారా పేదలకు ఎనలేని సేవలందిస్తున్న మంచి మనసున్న మనిషి నారా భువనేశ్వరి అని కొనియాడారు. ‘నిజం గెలవాలి’ యాత్రతో టీడీపీకి కష్ట సమయంలో కార్యకర్తలకు అండగా ఉన్న ధీర వనిత అన్నారు.
కేవలం ఆర్థిక సాయం మాత్రమే కాకుండా ప్రజల్లో చైతన్యం తెచ్చే విధంగా ఆమె కార్యక్రమాలు నిర్వహించనున్నారు. భవిష్యత్‌లో ఆమె పార్టీకి మరిన్ని సేవలు అందించాలని ఆకాంక్షిస్తున్నట్టు వారు తెలిపారు. ఈ కార్యక్రమంలో టీడీపీ రాష్ట్ర కార్యదర్శి ఆదినారాయణ, తెలుగు మహిళ రాష్ట్ర అధికార ప్రతినిధి సంగా తేజస్విని, తెలుగు యువత రాష్ట్ర అధికార ప్రతినిధి లింగారెడ్డి, పార్లమెంట్ మీడియా కోఆర్డినేటర్ కూచి హరి, మాజీ కార్పొరేటర్ వడ్డే భవాని, టీఎన్టీయుసీ రాష్ట్ర ఆర్గనైజింగ్ సెక్రటరీ మోహన్, బీసీ సెల్ రాష్ట్ర నాయకుడు పరమేష్, తెలుగుదేశం పార్టీ నాయకులు భాష, ఏలూరి మారుతి నాయుడు, గుడిపూడి సురేష్ చౌదరి, గురు, ఆయేషా, ఎస్ ఎం భాష, బా, బీసీ సంఘం నాయకులు జోగి రాజేంద్ర, జస్వంత్ వ్యాస్ టిడిపి నాయకులు కార్యకర్తలు మహిళా నాయకురాలు పార్టీ శ్రేణులు పాల్గొన్నారు.
