షావోమీ నుండి మరో మూడు స్మార్ట్ ఫోన్లు… ధరెంతంటే..?

దిశ, వెబ్ డెస్క్: చైనాకు చెందిన మొబైల్ కంపెనీ షావోమీ భారత్ విపణిలోకి మరో మూడు స్మార్ట్ ఫోన్లు ప్రవేశపెట్టింది. ఎంఐ 11 సిరీస్‌లో ఎంఐ 11 అల్‌ట్రా, ఎంఐ 11ఎక్స్, ఎంఐ 11ఎక్స్ ప్రో మోడల్స్‌ని వర్చువల్ ఈవెంట్ ద్వారా రీలీజ్ చేసింది. అయితే ఇప్పటికే ఇండియా మార్కెట్ లో తన సత్తా చాటుతున్న షావోమీ ఈ కొత్త మోడల్స్ తో మార్కెట్ లో మరోసారి స్మార్ట్ ఫోన్ ప్రకంపనలు పుట్టించనుంది. ఈ మోడల్ లను గత రెండు నెలల క్రితమే చైనాలో రిలీజ్ చేసిన షావోమీ ఇప్పుడు ఇండియన్ మార్కెట్‌లో రిలీజ్ చేసింది.

ఇక ఎంఐ 11ఎక్స్ ప్రారంభ ధర రూ.29,999. ఇది 6జీబీ+128జీబీ వేరియంట్ ధర. దీంతో పాటు 8జీబీ+128జీబీ మోడల్ కూడా రిలీజ్ అయింది. ధర రూ.31,999. మొదటి సేల్ ఏప్రిల్ 27న ప్రారంభమవుతుంది. ఎంఐ 11 అల్‌ట్రా ప్రారంభ ధర రూ.69,990. ఇది 12జీబీ+256జీబీ వేరియంట్ ధర. కేవలం ఒకే వేరియంట్‌లో ఈ స్మార్ట్‌ఫోన్ రిలీజ్ అయింది. ఇక ఎంఐ 11ఎక్స్ ప్రో 8జీబీ+128జీబీ వేరియంట్ ధర రూ.39,990 కాగా, 8జీబీ+256జీబీ వేరియంట్ ధర రూ.41,999. అమెజాన్‌తో పాటు షావోమీ ఇండియా అధికారిక వెబ్‌సైట్‌లో కొనొచ్చు. రేపటి నుండి సేల్స్ మొదలు కానున్నాయి. అంతేకాకుండా వివిధ డెబిట్, క్రెడిట్ కార్డులపై క్యాష్ బ్యాక్ ఆఫర్లు కూడా ఉన్నాయి.