భారత్‌కు క్షమాపణలు చెప్పిన తైవాన్: కారణమేంటి?
భారతీయులకు తైవాన్ కార్మిక మంత్రి హ్సూ మింగ్ చున్ క్షమాపణలు చెప్పారు. ఫిబ్రవరి 17న కార్మిక ఒప్పందంపై తైవాన్, భారత్‌ల మధ్య ఒప్పందం కుదిరింది.
దిశ, నేషనల్ బ్యూరో: భారతీయులకు తైవాన్ కార్మిక మంత్రి హ్సూ మింగ్ చున్ క్షమాపణలు చెప్పారు. ఫిబ్రవరి 17న కార్మిక ఒప్పందంపై తైవాన్, భారత్‌ల మధ్య ఒప్పందం కుదిరింది. దీనిపై ఇరు దేశాలు సంతకం చేశాయి. అనంతరం ఓ ఇంటర్వూలో భాగంగా మింగ్ చున్ ఈ అగ్రిమెంట్‌పై మాట్లాడుతూ..తైవాన్ ఈశాన్య భారతంలోని క్రైస్తవ కార్మికులకు ఎక్కువ ప్రాధాన్యత ఇస్తుందని, ఎందుకంటే వారి చర్మం రంగు, ఆహారపు అలవాట్లు తైవాన్ ప్రజలకు దగ్గరగా ఉంటాయి. కాబట్టి వారికే ఎక్కువ ప్రియారిటీ ఇస్తాం’ అని వ్యాఖ్యానించారు. ఈ వ్యాఖ్యలు జాత్యాహంకారమని భారత్ అభివర్ణించింది. దీనిపై నిరసన వ్యక్తం చేసింది. దీంతో తైవాన్ మంత్రి హ్సూ మింగ్ చున్ స్పందించారు. ఎవరిని ఉద్దేశించి ఈ వ్యాఖ్యలు చేయలేదని తెలిపారు. తైవాన్ ఎవరి పట్లా వివక్ష చూపదని ఓ ప్రకటనలో వెల్లడించింది. భారతీయులందరి పట్ల సమానత్వంతో వ్యవహరిస్తామని పేర్కొంది. ‘తైవాన్ భారత సంస్కృతిని పూర్తిగా గౌరవిస్తుంది. భారతదేశ ప్రజల మధ్య స్నేహ పూర్వక సంబంధాలను కలిగి ఉంది. ఇరు దేశాల మధ్య భాగస్వామ్యాన్ని మరింత పెంచే లక్ష్యంతో పనిచేస్తాం’ అని తెలిపింది.