పార్శిల్ ఇస్తున్న డెలివరీ బాయ్.... సడెన్‌గా వచ్చి అతని ప్రైవేట్ పార్ట్‌ను కొరికేసిన కుక్క (వీడియో)

దిశ, వెబ్ డెస్క్: ప్రస్తుతం సోషల్ మీడియాలో ఓ వీడియో వైరల్ అవుతోంది. పార్శిల్ ఇచ్చేందుకు వచ్చిన ఫుడ్ డెలివరీ బాయ్ ప్రైవేట్ పార్ట్ ను కుక్క కొరికింది. దీంతో అతనికి తీవ్ర రక్తస్రావం కావడంతో అతడిని స్థానికులు ఆస్పత్రికి తరలించారు. ఇందుకు సంబంధించిన వీడియో నెట్టింట వైరల్ అవుతోంది. ఈ ఘటన ముంబైలో చోటు చేసుకుంది. ఇందుకు సంబంధించి ఇతర మీడియాలో వచ్చిన కథనం ప్రకారం... ఓ వ్యక్తి ఫుడ్ ను ఆర్డర్ పెట్టుకున్నాడు. ఆ పార్శిల్ ను తీసుకొచ్చిన డెలివరీ బాయ్ అతనికి ఇచ్చేందుకు కాలింగ్ బెల్ కొట్టాడు. పార్శిల్ పెట్టిన వ్యక్తి వచ్చి డోర్ తీశాడు. అయితే, అతని చేతిలో ఉన్న కుక్క ఆ డెలివరీ బాయ్ ను కరవబోయింది. దీంతో ఆ కుక్క తాడును వెనక్కి లాగడంతో ఆ కుక్క వెనక్కి జరిగింది. దీంతో ఏం కాదులే అనుకుని డెలివరీ బాయ్ ఇంట్లోకి వెళ్లి పార్శిల్ ఇస్తుండగా ఆ కుక్క సడెన్ గా అతడి ప్రైవేట్ పార్ట్ ను కొరుకుతుంది. దీంతో అతనికి తీవ్ర రక్త స్రావమై ఏడుస్తూ ఉండడంతో అతడిని స్థానికులు ఆస్పత్రికి తరలించారు. ప్రస్తుతం అతను ఆస్పత్రిలో చికిత్స పొందుతున్నట్లు తెలిసింది.