పడవపై సడెన్‌గా దాడి చేసిన భారీ తిమింగళం.. అందులో ఉన్న వ్యక్తికి పక్కటెముకలు విరిగి... (వీడియో)

దిశ, వెబ్ డెస్క్: సముద్రంలో ఒక భయానక సంఘటన చోటు చేసుకుంది. భారీ తిమింగలం టూరిస్ట్ బోట్‌పై దాడి అందులో ఉన్న నలుగురు ప్రయాణికులను గాయపరిచింది. ఇందుకు సంబంధించి జాతీయ మీడియాలో వచ్చిన కథనం ప్రకారం పూర్తి వివరాల్లోకి వెళితే.. అమెరికాలోని ఓ సముద్రంలో భారీ తిమింగలం.. నీటిలో వెళ్తున్న టూరిస్ట్ బోట్ పై సడెన్ గా దూకి నలుగురు ప్రయాణికులను గాయపరిచింది. ఆ తర్వాత  అది తిరిగి నీటిలోకి వెళ్లిపోయింది. ఇదంతా కూడా పక్కన బోట్ లో ఉన్నవాళ్లు వీడియో తీసి సోషల్ మీడియాలో పోస్ట్ చేయగా వైరల్ అయ్యింది. గాయపడిన ఇద్దరు పురుషులు, ఇద్దరు మహిళలను ఆస్పత్రికి తరలించగా, ఒక మహిళకు కాలు విరిగిందని, పురుషులలో ఒకరికి పక్కటెముకలు మరియు తలకు గాయమైనట్లు అందులో పేర్కొన్నారు.