నిక్ ప్రియాంక వాలెంటైన్స్ స్పెషల్

ప్రియాంక చోప్రా… యూనివర్సల్ హీరోయిన్. నిక్ జోనస్‌తో ప్రేమ పెళ్లి చేసుకుని హ్యాపీగా హాలీవుడ్‌లో సెటిల్ అయిపోయింది. శుక్రవారం ప్రియాంకతో వాలెంటైన్స్ డేను జరుపుకున్న నిక్ జోనస్.. సోషల్ మీడియాలో ఓ క్యూటెస్ట్ వీడియోను షేర్ చేశాడు. మిలాన్‌లో జరిగిన జోనస్ బ్రదర్స్ మ్యూజిక్ కన్సర్ట్ ముందు తీసిన ఈ వీడియో ఇప్పుడు వైరల్ అయింది. ప్రియాంక, నిక్ జోనస్ వాలెంటైన్ డే సందర్భంగా ఓ పాటకు స్టెప్పులేశారు. బాలీవుడ్ హీరో రణ్‌వీర్ సింగ్ 'సింబా' సినిమాలోని 'ఆంఖ్ మారే' పాటపై డ్యాన్స్ ఇరగదీశారు. నిక్ సాంగ్‌ను ఎంజాయ్ చేస్తూ డ్యాన్స్ చేయడంలో బిజీగా ఉంటే.. ప్రియాంక ఈ డ్యాన్స్‌ను రికార్డ్ చేసింది. 'ప్రీ షో డ్యాన్స్ పార్టీ విత్ మై వాలెంటైన్'( నా వాలెంటైన్‌తో షోకు ముందు డ్యాన్స్ పార్టీ) అంటూ ఈ వీడియోను ఇన్‌స్టాగ్రామ్‌లో పోస్ట్ చేశాడు నిక్ జోనస్.