సిద్దిపేటలో గెలిచిన అభ్యర్థులకు ఊహించని షాక్..

దిశ, సిద్దిపేట: సిద్దిపేట మున్సిపల్ ఎన్నికల ఫలితాలలో గెలిచిన అభ్యర్థులు సంతోషంలో మునిగినా కొందరికి నిరాశ తప్పడం లేదు. ఫలితాలు వెలువడి గెల్చిన అభ్యర్థులు సంతోషం పట్టరాక సంబరాలు జరుపుకుంటే కేసులు నమోదు చేస్తున్నారు. పట్టణ పరిధిలోని తొమ్మిదవ వార్డ్ టీఆర్ఎస్ పార్టీ అభ్యర్థి పస్కల సతీష్ కోవిడ్ నిబంధనలు ఉల్లంఘించి సంబరాలలో పాల్గొని, రంగులు చల్లుకొని కౌంటింగ్ సెంటర్ లోకి వచ్చారు. ఇది గమనించిన పోలీసులు అతన్ని వెంటనే త్రీ టౌన్ పోలీస్ స్టేషన్ కి తరలించారు. కోవిడ్ నిబంధనల ప్రకారం సంబరాలు చేయవద్దని చెప్పిన కూడా నిబంధనలను ఉల్లంఘించడంతో సదరు వ్యక్తిపై కేసు నమోదు చేస్తున్నట్లు పోలీసులు తెలిపారు.