లైఫ్ ఇచ్చిందే తెలుగు ఇండస్ట్రీ : త్రిష

దిశ, వెబ్‌డెస్క్: స్మైలింగ్ క్వీన్ త్రిష.. తెలుగు, తమిళ ఇండస్ట్రీల్లో ఓ వెలుగు వెలిగిన తార. 15 ఏళ్ల సినీ ప్రయాణంలో ఎన్నో విజయాలను సొంతం చేసుకున్న ఈ భామ…. ఇప్పటికీ బిజీగానే ఉంది. ’96’ మూవీతో మెస్మరైజ్ చేసిన త్రిష… లేడీ ఓరియంటెడ్ మూవీస్‌తో ఆకట్టుకునేందుకు సిద్ధం అవుతోంది. అయితే టాలీవుడ్‌లో మెగాస్టార్ చిరంజీవి ‘ఆచార్య’ మూవీలో నటించేందుకు ఒప్పుకున్న త్రిష.. తర్వాత కొన్ని కారణాల వల్ల ప్రాజెక్ట్ నుంచి తప్పుకుంది. దీంతో త్రిష తెలుగులో నటించేందుకు ఒప్పుకోవడం లేదంటూ రుమార్లు వచ్చాయి. ఈ వార్తలపై స్పందించిన హీరోయిన్.. అలా ఎందుకు చేస్తానని ప్రశ్నించింది. నేను హీరోయిన్‌గా నిలదొక్కుకున్నదే తెలుగు ఇండస్ట్రీ వల్ల అని… అలాంటప్పుడు లైఫ్ ఇచ్చిన తెలుగు ఇండస్ట్రీలో నటించేందుకు ఎందుకు నో చెప్తానని అంటోంది. కొన్ని కారణాల వల్ల ‘ఆచార్య’ నుంచి తప్పుకోవాల్సి వచ్చిందని.. అంత మాత్రాన టాలీవుడ్‌కు దూరంగా ఉంటానని రుమార్లు సృష్టిస్తే ఎలా అని ఫైర్ అయింది. ప్రస్తుతం తమిళ్, మలయాళ సినిమాలతో బిజీగా ఉంది త్రిష.

Tags: Trisha, Tollywood, Acharya, Chiranjeevi