Viral Video: 'హ్యాపీ బర్త్ డే నాగూభాయ్'..! నాగులపంచమి రోజున పాముకు కేక్ కటింగ్

దిశ, డైనమిక్ బ్యూరో: నాగులపంచమి రోజున పాముతో కేక్ కట్ చేయించి, బర్త్ డే వేడుకలు నిర్వహించిన వింత ఘటన కర్ణాటక లో జరిగింది. దీనికి సంబందించిన వీడియో సోషల్ మీడియాలో వైరల్ గా మారింది. నాగులపంచమి రోజుల భక్తులు పాముకు పాలు పోయడం, గుడ్లు వేయడం చూస్తుంటాం కానీ కర్ణాటకలో కొందరు భక్తులు ఏకంగా పాముకు పుట్టిన రోజు వేడుకలు నిర్వహించారు. వీడియో ప్రకారం నాగుల పంచమి రోజు కొందరు యువకులు పొలాల్లో ఉన్న పాము వద్దకు బర్త్ డే కేక్ తీసుకెళ్లారు.

కేకును పాము వద్ద ఉంచి భజన చేస్తూ పాటలు పాడారు. అంతేగాక నిండు నూరేళ్లు బ్రతకాలని కోరుకుంటూ.. హ్యాపీ  హ్యపీ బర్త్ డే నాగూభాయ్ అని విషెస్ తెలిపారు. అనంతరం పాము తల పట్టుకొని కేక్ కటింగ్ చేయించారు. ప్రస్తుతం దీనికి సంబందించిన వీడియో నెట్టింట చక్కర్లు కొడుతోంది. ఈ వీడియోపై నెటిజన్లు ఫన్నీగా స్పందిస్తున్నారు. దీనిపై ఓ నెటిజన్ ఓరి మీ దుంప తెగ ఎంత సాహసం చేశార్రా అనగా.. మరో నెటిజన్ పాము మంచి మూడ్ లో ఉంది కాబట్టే వీడియో వైరల్ అయ్యింది.. లేకుంటే మీరు వైరల్ అయ్యేవారని కామెంట్ పెట్టారు.