స్కూల్‌కు వెళ్లడం ఇష్టం లేక 3 రోజులుగా ఫ్రీ బస్సులో తిరిగిన బాలిక (Meme Of The Day)

దిశ, ఫీచర్స్: తెలంగాణ కాంగ్రెస్ ప్రభుత్వం అధికారంలోకి వచ్చిన రెండ్రోజుల్లోనే మహిళలకు ఫ్రీ బస్సు సౌకర్యాన్ని కల్పించింది. రాష్ట్రవ్యాప్తంగా పల్లెవెలుగు, ఎక్స్‌ప్రెస్‌ బస్సుల్లో మహిళలు, బాలికలకు ఉచితంగా ప్రయాణించే వెసులుబాటు తీసుకొచ్చింది. అయితే కొంతమంది.. ఎక్కడి నుంచి ఎక్కడికైనా ప్రయాణించవచ్చు అనే ఆలోచనతో ఈ అవకాశాన్ని దుర్వినియోగం చేస్తున్నారు. ఇటీవల ఓ మహిళ కేవలం ఫేస్ వాష్ చేసుకోవడానికే బస్సు ఎక్కి 50 కిలో మీటర్ల మేర ప్రయాణించింది అంటూ కండక్టర్ ఆవేదన వ్యక్తం చేశాడు. తాజాగా ఈ ఫ్రీ బస్సు స్కీం ను ట్యాగ్ చేసి పలువురు మీమర్స్ నెట్టింట మీమ్స్ వైరల్ చేస్తున్నారు. ‘‘స్కూల్‌కు వెళ్లడం ఇష్టం లేక ఓ బాలిక కరీంనగర్ ఫ్రీ బస్సులో మూడు రోజులుగా తిరిగింది.. అంటూ రేవంత్ రెడ్డి ఫొటో ట్యాగ్ చేయగా.. ఆహా ఏం ఐడియా.. ఏం ఐడియా అంటూ ఆర్టీసీ బస్సు, సీఎం రేవంత్ రెడ్డి ఫోటోలకు వేణుమాదవ్ నవ్వుతున్న ఫోటోను జత చేసి నెట్టింట ఈ మీమ్ వైరల్ చేస్తున్నారు.