పెళ్లి పీటలెక్కబోతున్న బర్రెలక్క.. ఫొటోలు, వీడియోలు వైరల్.. అబ్బాయి ఎవరంటే..!

దిశ, ఫీచర్స్: హాయ్ ఫ్రెండ్స్ డిగ్రీలు, పీజీలు చదవినా పట్టాలు వస్తున్నాయి కానీ ఉద్యోగాలు రావడం లేదు అంటూ 2021 నవంబరు 5 న నెట్టింట ఓ వీడియో చేసి ఫుల్ ఫేమస్ అయ్యింది కర్నె శిరీష (బర్రెలక్క). గత ఏడాది తెలంగాణ ఎన్నికల్లో కొల్లాపూర్ నియోజకవర్గం నుంచి పోటీ చేసి బర్రెలక్క మరింత గుర్తింపు పొందారు. ఈ ఎన్నికల్లో బర్రెలక్క ఎమ్మెల్యేగా పోటీ చేసింది. ఈమెకు నిరుద్యోగులు పెద్ద సంఖ్యలో అండగా నిలిచారు.

శిరీష గెలవకపోయినా గట్టి పోటీ ఇస్తుందని, ఓటర్లను పెద్ద సంఖ్యలో ఆకర్షించుకోగలిగిందని నెట్టింట జనాలు పాజిటివ్ కామెంట్లు చేశారు. శిరీష ఓటమి చవి చూసినప్పటికీ.. రెండు తెలుగు రాష్ట్రాల్లో ఫుల్ ఫేమ్ దక్కించుకుంది. అయితే తాజాగా బర్రెలక్క గురించి సోషల్ మీడియాలో ఓ వార్త వైరల్ అవుతోంది. ఈమె పెళ్లి చేసుకోబోతున్నట్లు తెలుస్తోంది. తాను వివాహం చేసుకోబోతున్నట్లు సోషల్ మీడియాలో వెల్లడించింది. పెళ్లి కార్యక్రమాలకు సంబంధించిన ఫొటోలు, వీడియోలు ఫ్యాన్స్‌తో షేర్ చేసుకుంది.

పెళ్లి కోసం షాపింగ్ చేసిన వీడియోలు కూడా పంచుకుంది. కాబోయే భర్త ఎవరో మాత్రం రివీల్ చేయలేదు. దీంతో మరీ శిరీష కాబోయే భర్త ఎవరబ్బా అంటూ ఫ్యాన్స్ ఆరా తీయడం మొదలుపెట్టారు. ఇక బర్రెలక్కకు గతంలో పెళ్లి జరిగిందంటూ.. పలు కారణాలతో అతడితో విడిపోయిందంటూ వార్తలు వినిపించాయి. ఇటీవల బిగ్ బాస్ విన్నర్ పల్లవి ప్రశాంత్‌ను పెళ్లి చేసుకోబోతుందంటూ నెట్టింట వార్తలు వినిపించిన సంగతి తెలిసిందే. కానీ అవన్నీ అవాస్తవాలనీ బర్రెలక్క కొట్టిపారేసింది.