అన్నం తింటోన్న వ్యక్తిని గన్‌తో కాల్చిన దుండగులు.. వీడియో చూస్తే కన్నీళ్లాగవు..?

దిశ, ఫీచర్స్: ఓ హోటల్‌లో అన్నం తింటోన్న వ్యక్తిని వెనకనుంచి వచ్చి గన్‌తో కిరాతకంగా కాల్సిన ఘటన మహారాష్ట్రలో చోటుచేసుకుంది. వివరాల్లోకెళ్తే.. అవినాష్ ధన్వే అనే రౌడీ షీటర్ పూణేలోని అలండి ప్రాంతంలో నివసిస్తాడు. రీసెంట్ గా తన స్నేహితులతో కలిసి పూణే-షోలాపూర్ హైవే పై ఇందాపూర్ లోని జగదాంబ హోటల్ వద్ద ఫుడ్ తింటున్నాడు. ఈ క్రమంలో అతడిని వెనక నుంచి వచ్చిన ఇద్దరు ఫస్ట్ గన్ తో కాల్చారు.

దీంతో అవినాష్ వెంటనే కుప్పకూలాడు. తర్వాత మరో ఐదుగురు దుండగులు వచ్చి కత్తులతో అతడిని దారుణంగా పొడిచారు. దీంతో అవినాష్ అక్కడికక్కడే మృతి చెందినట్లు పోలీసులు తెలిపారు. ఈ సంఘటన రెండు గ్రూపుల మధ్య చాలా ఏళ్లుగా కొనసాగుతున్న గొడవ నుంచి వచ్చిందని, నిందితుల కోసం గాలిస్తున్నామని పోలీసులు వెల్లడించారు. ప్రస్తుతం అవినాష్ ను కిరాతకంగా చంపిన వీడియో సోషల్ మీడియాలో వైరల్ అవుతోంది.