తీవ్ర విషాదం.. రోడ్డు ప్రమాదంలో ముగ్గురు దుర్మరణం

దిశ,అమరచింత: వనపర్తి జిల్లా ఆత్మకూర్ పట్టణంలో తీవ్ర విషాదం చోటుచేసుకుంది.రంగారెడ్డి జిల్లా శంషాబాద్ మండలం పెద్ద గోల్ కొండ ఔటర్ రింగ్ రోడ్డు వద్ద గురువారం జరిగిన రోడ్డు ప్రమాదంలో డ్రైవర్ తో పాటు ఒకే కుటుంబానికి చెందిన ముగ్గురు అక్కడికక్కడే మృతి చెందినట్లు స్థానికులు తెలిపారు.ఆత్మకూర్ పట్టణానికి చెందిన తెలుగు రాజేష్ కుటుంబంతో కలిసి యాదగిరి గుట్టకు దైవ దర్శనానికి వెళ్లి తిరిగి వస్తుండగా తుఫాన్ వాహనాన్ని కారు,దాటి వెళ్లే క్రమంలో రెండు వాహనాలు అదుపుతప్పి ప్రమాదం చోటు చేసుకున్నట్లు తెలిసింది.తుఫాన్ వాహనం డ్రైవర్ తాజ్ (40), వరాలు (36) తో పాటు 3 నెలల బాలుడు మృతి చెందారు.అదే వాహనంలో ప్రయాణిస్తున్న మరో 8 మందికి తీవ్ర గాయాల పాలయ్యారు.ముగ్గురి పరిస్థితి విషమంగా ఉన్నట్లు స్థానికులు వెల్లడించారు.