జమ్మూకాశ్మీర్‌లో అలజడి.. 15 ప్రాంతాల్లో NIA సోదాలు..

దిశ, వెబ్‌డెస్క్ : జమ్మూకాశ్మీర్‌లో ఈరోజు ఉదయం తెల్లవారుజాము నుంచి జాతీయ దర్యాప్తు సంస్థ (NIA) సోదాలు నిర్వహిస్తోంది. ఏకకాలంలో 15 ప్రాంతాల్లో అధికారులు దాడులు చేశారు. ఈ దాడుల్లో ఉగ్రవాది పట్టుబడినట్టు NIA బృందం ప్రకటించింది. పంద్రాగస్టు వేడుకల్లో దేశంలోని పలు ప్రాంతాల్లో అలజడులు సృష్టించేందుకు ఉగ్రవాదులు ప్లాన్ చేస్తున్నట్లు ఇంటెలిజెన్స్ హెచ్చరికల మేరకు ఎన్‌ఐఏ అధికారులు సమస్యాత్మక ప్రాంతాల్లో సోదాలు జరుపుతున్నారు. ఈ క్రమంలోనే టెర్రరిస్టును అదుపులోకి తీసుకుని విచారిస్తున్నట్లు తెలుస్తోంది.