Rahul Gandhi: డ్రగ్ మాఫియాకు అండగా నిలుస్తోన్న ఆ నేతలు ఎవరు..?

దిశ, వెబ్‌డెస్క్: Who are the people to support the Mafia from the Gujarat government? Asks Rahul Gandhi| కాంగ్రెస్ అగ్రనేత, ఎంపీ రాహుల్ గాంధీ ట్విట్టర్ వేదికగా మరోసారి బీజేపీ ప్రభుత్వంపై విమర్శలు గుప్పించారు. గుజరాత్‌లో డ్రగ్స్ మాఫియా, లిక్కర్ మాఫియాను అధికార బీజేపీ కాపాడుతోందని తీవ్ర ఆరోపణలు చేశారు. గుజరాత్‌లోని ముంద్రా ఓడరేవులో వేల కోట్లు విలువ చేసే డ్రగ్స్ ఇటీవలే మూడుసార్లు పట్టుబడినప్పటికీ.. మళ్లీ అదే ఓడరేవు నుండి డ్రగ్స్ నిరంతరం ఎలా రవాణా అవుతున్నాయని ప్రశ్నించారు. గుజరాత్‌లో డ్రగ్స్‌, లిక్కర్‌ మాఫియాకు నిరంతరం అండగా నిలుస్తున్న డబుల్‌ ఇంజన్‌ ప్రభుత్వంలోని వ్యక్తులు ఎవరు..? గుజరాత్ యువత డ్రగ్స్‌కు ఎందుకు బలవుతున్నారు..? గుజరాత్‌లో శాంతి భద్రతలు లేవా..? అని ట్విట్టర్లో ప్రశ్నల వర్షం కురిపించారు. అంతేకాకుండా ఈ మాఫియాకు ప్రభుత్వం అంటే భయం లేదా.. లేక ఇది మాఫియా ప్రభుత్వమా..? అని ఆయన నిలదీశారు