రణ్‌వీర్‌కు నచ్చేసిన ఉర్ఫీ జావేద్‌.. టాక్‌ షోలో బట్టబయలు!

దిశ, సినిమా : టీవీ నటిగా కెరియర్ ప్రారంభించిన ఉర్ఫీ జావేద్ సోషల్ మీడియా ఫాలోయింగ్ గురించి తెలిసిందే. యూనిక్ అండ్ బోల్డ్ డ్రెస్సింగ్‌తో కుర్రకారు మతిపోగొట్టే ఈ భామ.. ఏదైనా పోస్ట్ చేసిందంటే చాలు పది నిమిషాల్లో వైరల్ అయిపోతుంది. ఇదిలా ఉంటే.. తాజాగా 'కాఫీ విత్ కరణ్‌' టాక్ షోలో స్టార్ హీరో రణ్‌వీర్ సింగ్ ఆమె డ్రెస్సింగ్ సెన్స్‌ను ప్రశంసించడంతో ప్రస్తుతం టాక్ ఆఫ్ ది టౌన్‌గా మారిపోయింది ఉర్ఫీ.

మరోవైపు గత నాలుగు రోజులుగా తన గ్లామర్ షోతో సోషల్ మీడియాను షేక్ చేస్తున్న ఈ బ్యూటీ.. రణ్‌వీర్ తనపై చేసిన వ్యాఖ్యల పట్ల సంతోషంగా ఉంది.'రణ్‌వీర్ నన్ను ప్రశంసించాడంటే ముందుగా నమ్మలేదు. కానీ నిజమని తెలిశాక నన్ను నేను 'ఏంజెలీనా జోలీ'గా భావిస్తున్నాను. కాదు కాదు.. దీపికా పదుకొణెలా ఫీలవుతున్నాను' అని చెప్పుకొచ్చింది.