ఢిల్లీకి చేరిన టీ-కాంగ్రెస్ నేతలు.. కాసేపట్లో రాహుల్ గాంధీతో భేటీ

దిశ, డైనమిక్ బ్యూరో: తెలంగాణ కాంగ్రెస్ నేతలను గాడీలో పెట్టేందుకు పార్టీ అధిష్టానం సిద్ధమైంది. ఇందులో భాగంగా పార్టీ అగ్రనేత రాహుల్ గాంధీని టీపీసీసీ అధ్యక్షుడు రేవంత్ రెడ్డితో పాటు మరో 14 మందితో కాసేపట్లో ఢిల్లీలో భేటీ కానున్నారు. ఈ భేటీలో రాష్ట్రంలోని తాజా రాజకీయాలపై చర్చించనున్నారు. దీనితో పాటు రాష్ట్రంలో యుద్ధ ప్రాతిపదికన నిర్వహించిన సభ్యత్వ నమోదుపై, వారికి ఇన్య్సూరెన్స్ చేయించడంపై చర్చించనున్నారు. రాహుల్ తో భేటీ అనంతరం టీ-కాంగ్రెస్ ఇన్‌చార్జి మాణిక్కం ఠాగూర్‌తోనూ సమావేశం జరపనున్నారు. ఢిల్లీ వెళ్లిన వారిలో జానారెడ్డి, పొన్నాల లక్ష్మయ్య, ఉత్తమ్ కుమార్ రెడ్డి, కోమటిరెడ్డి వెంకట్ రెడ్డి, మధుయాష్కీ గౌడ్, దామోదర రాజనర్సింహ తదితరులుండగా.. పాదయాత్ర కారణంగా భట్టి విక్రమార్క భేటీకి హాజరుకాలేకపోయారు.