ఏజెంట్ టీజర్ పై సూపర్ స్టార్ ఆసక్తికర ట్వీట్..థాంక్యూ చెప్పిన అఖిల్

దిశ, వెబ్‌డెస్క్: యంగ్ హీరో అక్కినేని అఖిల్ హీరోగా, సురేందర్ దర్శకత్వంలో వస్తున్న తాజా చిత్రం 'ఏజెంట్'. మలయాళ సూపర్ స్టార్ మమ్ముట్టి కీలక పాత్రలో నటించనున్న.. ఈ చిత్రంలో సాక్షి వైద్య హీరోయిన్‌గా నటిస్తోంది. అయితే ఈ సినిమా నుంచి ఇప్పటికే విడుదలైన పోస్టర్స్ ప్రేక్షకులను ఎంతగానో ఆకట్టుకున్నాయి. తాజాగా ఈ సినిమా టీజర్‌ను రిలీజ్ చేశారు మేకర్స్. ఈ టీజర్‌కు ఫ్యాన్స్ నుంచే కాదు.. సినీ ప్రముఖుల నుండి కూడా ప్రశంసలు వస్తున్నాయి. తాజాగా, సూపర్ స్టార్ మహేష్ బాబు అఖిల్ ఏజెంట్ టీజర్‌పై ఆసక్తికర ట్వీట్ చేశాడు.

'టీజర్ అద్భుతంగా ఉంది. విజువల్స్, థీమ్ చాలా బాగా నచ్చిందని చిత్రబృందానికి ఆల్ ది బెస్ట్' అంటూ ట్వీట్ చేశాడు. అది చూసిన అఖిల్ 'చాలా ధన్యవాదాలు. మీ సపోర్ట్, ప్రోత్సాహం ఉన్నందునకు చాలా సంతోషిస్తున్నాము' అని రిప్లై ఇచ్చాడు. ఏజెంట్ సినిమా తెలుగుతో పాటు హిందీ, తమిళం, కన్నడ, మలయాళ భాషల్లో ఒకేసారి పాన్ ఇండియా స్థాయిలో విడుదల కానుంది.